Hlaut 24 mánaða dóm vegna líkamsárásar á Hofsósi
Héraðsdómur Norðurlands vestra dæmdi í mars sl. karlmann í 24 mánaða fangelsi fyrir sérstaklega hættulega líkamsárás. Fram kemur í vefnum mbl.is í dag að mistök hafi orðið til þess að málið dróst í sex mánuði hjá lögreglunni á Norðurlandi vestra.
Hinn dæmdi var tvítugur þegar brotin voru framin. Hann þarf að sitja inni í þrjár mánuði fyrir brot sitt þar sem 21 mánuður af dómnum var skilorðsbundinn. Hlaut þolandinn ýmsa áverka við árásina og hótaði árásarmaðurinn honum lífláti ef atvikið yrði kært til lögreglu.
Árásin átti sér stað á tjaldstæðinu á Hofsósi í júní árið 2014. Sló hinn dæmdi fórnarlambið með krepptum hnefa í andlitið, eitt skipti í magann og sparkaði í höfuð fórnarlambsins sem lá á jörðinni.
Málið var tilkynnt til lögreglunnar á Sauðárkróki að morgni 22. Júní árið 2014 en þar kom fram að þrír til fjórir hefði ráðist að einum á tjaldsvæði. Tveimur dögum síðar lagði þolandi fram kæru. Á tímabilinu 3. Júlí til 24. September voru teknar lögregluskýrslur af ákærða og vitnum.
Við aðalmeðferð málsins sagði sá sem ákærður var í málinu að hann hefði rifist við þolandann fyrr og kvöldið og hefði þá annað sakamál sem álærði átti hlut að komið upp. Játaði hann brot sitt. Fram kemur að rannsókn málsins hafði lokið 24. September 2014 en ákæra í málinu ekki gefin út fyrr en rúmu ári seinna, eða 27. nóvember 2015. Í ljósi þessa og fleiri atriða var ákveðið að skilorðsbinda dóminn að stórum hluta.
Haft er eftir Páli Björnssyni, lögreglustjóra á Norðurlandi vestra á vefnum mbl.is í dag að mistök hafi valdið því að langur dráttur varð á því að málið var sent frá lögreglunni til ríkissaksóknara. Segir Páll að sex mánuðir hafi liðið frá því „raunverulega var lokið að rannsaka málið“ þar til það var sent ríkissaksóknara. Eftir það hafi átta mánuðir liðið þangað til ákæra var gefin út.
Páll segir þarna vera um mistök að ræða sem embættið verði að læra af, en ástæðan hafi verið sú að menn voru ekki vissir um að málið væri búið. Meðal annars hafi menn haldið að ákveðið hótunarmynstur tengdist málinu og viljað kanna það frekar. Niðurstaðan hafi orðið sú að „vera ekkert að fara meira út í það í þessu máli,“ segir Páll meðal annars í samtali við mbl.is.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
