Hóladeild Skógræktarfélags Skagfirðinga
Þann 8. október var stofnuð deild innan Skógræktarfélags Skagfirðingar sem ber heitið Hóladeild Skógræktarfélags Skagfirðinga.Hugmyndin að stofnun Hóladeildar kom upp síðastliðið sumar og fljótlega kom stjórn Skógræktarfélags Skagfirðinga saman á Hólum, þar sem skógurinn var m.a. skoðaður.
Stjórnin ræddi hugmyndina að stofnun deildarinnar og var mjög jákvæð fyrir henni. Undirbúningsnefnd að stofnun Hóladeildar kom saman á haustdögum og lauk störfum nefndarinnar með stofnfundi Hóladeildar þann 8. október s.l. Í Stjórn Hóladeildar Skógræktarfélags Skagfirðinga voru kjörin Laufey Haraldsdóttir, Sigurlaug Rún Brynleifsdóttir og Þórður Ingi Bjarnason . Varamenn í stjórn voru kjörin Hjalti Þórðarson og Sólrún Harðardóttir.
Sameiginlegt markmið allra er að efla Hólaskóg og gera hann aðgengilegan almenningi. Með stofnun Hóladeildar Skógræktarfélags Skagfirðinga er lagður grunnur að góðu samstarfi Skógræktarfélagsins og Hólaskóla til framtíðar.
Á fundinum skrifuðu Ragnheiður Guðmundsdóttir formaður Skógræktarfélags Skagfirðinga, Skúli Skúlason rektor Hólaskóla og Laufey Haraldsdóttir nýkjörinn formaður Hóladeildar undir yfirlýsingu um rekstur og viðhald Hólaskógar. Þar kemur m.a. fram að markmið hlutaðeigandi aðila er að gæta hagsmuna skógarins og stuðla að því að gera skóginn að útivistarsvæði fyrir alla Skagfirðinga og gesti þeirra. Einnig að skógurinn geti nýst í kennslu í skólum í Skagafirði, á öllum skólastigum.
Hóladeild Skógræktarfélags Skagfirðinga mun sjá um framkvæmdir er lúta að umhirðu Hólaskógar og opnun hans fyrir almenningi Hóladeild starfar sjálfstætt að ofangreindum markmiðum, en í samráði við Skógræktarfélag Skagfirðinga og Hólaskóla. Framkvæmdir í skóginum verða fjármagnaðar með styrkjum og allar hugsanlegar tekjur af skóginum, t.d. vegna jólatrjásölu, verða nýttar í þágu skógarins.
Fleiri fréttir
-
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira -
Alþjóðlegi safnadagurinn hjá Byggðasafni Skagfirðinga á sunnudaginn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.Meira -
Vel heppnuð námsferð stúdenta í iðnaðar- og orkutæknifræði á Sauðárkrók
feykir.is Skagafjörður 14.05.2025 kl. 13.17Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.Meira
