Hólahátíð 14. – 16. ágúst 2015

feykir.is Skagafjörður, Listir og menning 10.08.2015 kl. 14.22

Árleg Hólahátíð verður haldin á Hólum í Hjaltadal um næstu helgi og hún hefst föstudaginn 14. ágúst og stendur til sunnudagsins 16. ágúst. Að vanda verður mikið um dýrðir og meðal annars hægt að berja augum hina nýopnuðu Biblíusýningu í Auðunarstofu haldin í tilefni af 200 ára afmæli Hins íslenska biblíufélags.

Biblíurnar eru úr safni sr. Ragnars Fjalars Lárussonar og mun þetta vera eitt stærsta og merkilegasta biblíusafn landsins. Meðal þeirra gersema sem sýndar verða eru Gutenbergsbiblía, Biblía Gustavs Vasa, Biblía Kristjáns III, Þorláksbiblía, Steinsbiblía, Summaria, Biblia laicorum, Nýja testamenti Guðbrands biskups og margar fleiri fágætar biblíur. Þess má geta að á Hólum var prentuð fyrsta íslenska biblían, Guðbrandsbiblía, árið 1584 og er hún til sýnis í Hóladómkirkju.

Dagskrá hátíðarinnar er eftirfarandi:

Föstudagur 14. ágúst
Kl. 10:00-18:00 Biblíusýning opin í Auðunarstofu.
Kl. 20:00 Hólabiblíur – um þrjár fyrstu biblíuútgáfur Íslendinga.
Sr. Sigurður Ægisson flytur erindi í Auðunarstofu.

 

Laugardagur 15. ágúst
Kl. 10:00 Pílagrímaganga frá Gröf heim að Hólum með biblíulestrum. Lagt af stað frá Grafarkirkju kl. 10:00 og tekur gangan um sex tíma. Helgistund við heimkomu í Hóladómkirkju. Fólki ekið til baka að Gröf.
kl. 13.00 Ganga yfir Hrísháls í fylgd Önnu Þóru Jónsdóttur frá Vatnsleysu. Gengið inn í söguna. Lagt af stað frá Enni kl. 13:00 og tekur gangan þrjá tíma heim að Hólum.
Á veginum verða hin ýmsu óvæntu fyrirbæri og ævintýraverur úr raunveruleika fyrri tíma. Sundlaugin á Hólum opin kl. 14:00-18:00
Kl. 17:00 Dagskrá fyrir börn á öllum aldri og fjölskyldur þeirra í Hóladómkirkju í umsjá Helga Zimsen og Rósu Jóhannesdóttur.
Kl. 18:00 Kvöldverður. Hlaðborð með gómsætum Biblíumat Undir Byrðunni. Uppskriftirnar eru úr bók sr. Svavars A. Jónssonar.
Sunnudagur 16. ágúst
Kl. 11:00 Dr. Gunnlaugur A. Jónsson flytur erindið: Áhrifasaga Saltarans. Um áhrif Davíðssálma í sögu og samtíð á bókmenntir, listir og kvikmyndir.
Kl. 14:00 Hátíðarmessa í Hóladómkirkju. Prestsvígsla. Mag. theol Halla Rut Stefánsdóttir verður vígð til að gegna sóknarprestsembætti í Hofsós- og Hólaprestakalli.
Veislukaffi í Hólaskóla.
Kl. 16:30 Hátíðarsamkoma í Hóladómkirkju Ólöf Nordal innanríkisráðherra flytur hátíðaræðu.
Ragnhildur Ásgeirsdóttir framkvæmdastjóri Hins íslenska biblíufélags flytur ávarp.
Kirkjukór Hóladómkirkju flytur biblíuljóð.

Til baka

Fleiri fréttir

  • Hrund Marín að lesa fyrir börnin. AÐSEND MYND

    Þögn og Nóa kropp í skál er best með bóklestri

    feykir.is Skagafjörður, Listir og menning, Lokað efni 08.06.2025 kl. 13.33 oli@feykir.is
    Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.
    Meira
  • Þorkell flytur tölu við brautskráninguna í lok maí. MYND: ÓAB

    Haustið 1994 afar eftirminnilegt

    feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27 oli@feykir.is
    Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.
    Meira
  • Arndís Brynja um borð. AÐSEND MYND

    Bóndabrie og þorskhnakkar | Matgæðingur Feykis

    feykir.is Skagafjörður, Í matinn er þetta helst, Lokað efni 08.06.2025 kl. 11.20 siggag@nyprent.is
    Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.
    Meira
  • Bessi ásamt einum af afastrákunum sínum. MYND TEKIN AF FACEBOOK

    Flest í þokkalegri rútínu

    feykir.is Skagafjörður, Lokað efni, Hvað segja bændur? 07.06.2025 kl. 16.49 siggag@nyprent.is
    Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári. 
    Meira
  • Makala Woods gerði fyrra mark Stólastúlkna í gær. Myndin er frá því fyrr í sumar. MYND: JÓI SIGMARS

    Stólastúlkur náðu í stig gegn liði Vals í fyrsta sinn

    feykir.is Skagafjörður, Íþróttir, Lokað efni 07.06.2025 kl. 15.18 oli@feykir.is
    Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.
    Meira
Yfirlit frétta