Hollvinasamtök HS lýsa yfir megnri óánægju
Hollvinasamtök Heilbrigðisstofnunarinnar á Sauðárkróki lýsa yfir megnri óánægju með ákvörðun heilbrigðisráðherra um sameiningu stofnunarinnar í Heilbrigðisstofnun Norðurlands frá og með 1.okt.n.k. Samtökin sendu frá sér yfirlýsingu þar að lútandi sl. þriðjudag, sem fjallað er um á forsíðu 27. tbl Feykis sem út kom í dag.
Vitna samtökin í frétt á heimasíðu Velferðarráðuneytisins um setningu reglugerðar þar að lútandi, þar sem segir orðrétt:„Markmiðið með sameiningu heilbrigðisstofnana er að styrkja rekstrar- og stjórnunareiningar, auka öryggi í búa með góðri heilbrigðisþjónustu og nýta fjármuni betur. Með sameiningum færist ákvarðanataka í auknum mæli frá ráðuneyti til heimamanna. Í aðdraganda sameininganna munu verðandi forstjórar ásamt starfsmönnum ráðuneytisins hafa samráð við sveitarstjórnarmenn á viðkomandi svæðum.“
Telja samtökin þessi markmið ekki trúverðug: „Rekstrar- og stjórnunarumhverfi stofnunarinnar mun veikjast þar sem ákvörðunarvaldið færist fjær henni. Öryggi íbúanna verður frekar ógnað þar sem fara þarf um langan veg til að nálgast ýmsa þjónustu sem nú er til staðar í heimabyggð. Kostnaður vegna heilbrigðisþjónustu almennt mun aukast eftir því sem íbúar þurfa að fara um lengri veg til að sækja sér þjónustuna, með tilheyrandi vinnutapi og óhagræði fyrir íbúana. Stjórnunarvald stofnunarinnar mun færast fjær og ákvarðanavald heimamanna mun því veikjast til muna,“ segir í yfirlýsingunni frá samtökunum.
Benda samtökin á að nú þegar sé erfitt að fá lækna og hjúkrunarfólk til starfa á landsbyggðinni og telja að sameiningin muni auka enn frekar á þá erfiðleika og leiða til enn frekari brottflutnings menntaðs starfsfólks þeirra og þannig veikja enn frekar byggðirnar umhverfis þær
„Það er með öllu ólíðandi að ráðherra og ráðuneyti hans skuli fara fram með þeim hætti sem raun ber vitni. Hollvinasamtök Heilbrigðisstofnunarinnar á Sauðárkróki skora á ríkisstjórn Íslands að grípa inn í þann óheillafarveg sem málið er komið í og ljúka nú þegar þeim viðræðum sem hafnar eru við Sveitarfélagið Skagafjörð um yfirtöku á rekstri HS og hlusta á vilja heimamanna,“ segir að lokum í yfirlýsingunni.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
