Hrossum bjargað úr Unadal
Mikill björgunarleiðangur var gerður út í vikunni til að bjarga hrossum í Unadal í Skagafirði en þar voru þau í sjálfheldu vegna mikilla snjóa sem gerði í lok síðustu viku. Fella þurfti eitt hrossið vegna lélegs ástands.
Björgunarsveitin Grettir á Hofsósi var kölluð út s.l. sunnudag til að ná hrossum úr afréttargirðingu við Hraun í Unadal en þangað höfðu þau verið rekin eftir réttir í haust. Þegar þangað var komið varð ljóst að mörg hross vantaði í hópinn og varð gerður út leiðangur snjósleðamanna til að finna þau en þá voru þau komin mjög innarlega í dalinn. Jarðbönn voru alger þar sem mikill snjór hafði lagst yfir beitrlandið í hretinu sem gekk yfir Norðurland í lok síðustu viku. Sagði einn björgunarmanna að svo mikill hefði snjórinn verið að náð hafi í mitti og upp í það að vera mannhæðarháir skaflar.
Ekki var hægt að koma hrossum til byggða vegna ófærðar en ákveðið að koma heyji til þeirra og var þeim gefið í þrjá daga meðan braut var mokuð til þeirra. Farið var með dráttarvélar ýmist með snjóblásara eða skóflu til verksins og tók það tvo daga að komast að hrossunum, sem voru frelsinu fegin.
Ástand hrossanna var þokkalegt miðað við aðstæður utan einnar merar sem að mati dýralækna var mjög bagalegt og var hún felld í gær. Að sögn Bjarna Þórissonar fjallskilastjóra var ástand afréttarinnar gott fyrir hretið en eðlilega voru hrossin svöng eftir volkið. Bjarni segir að hross séu höfð í afréttinni eftir réttir með samþykki fjallskilastjórnar með því skilyrði að bændur gæti þess að koma þeim í öruggt skjól ef veðurspá er þannig að svona ástand geti skapast. Þarna hafi það ekki gengið eftir og segir Bjarni að hann sem fjallskilastjóri beri ábyrgð á því að koma hrossunum til byggða þegar svona stendur á.
–Ég er ekki viss um að ég treysti mér til þess að bera þessa ábyrgð í framtíðinni, þegar bændur sjá sér ekki fært að axla ábyrgð og fyrirbyggja að þetta gerist, segir Bjarni en þetta er ekki í fyrsta skiptið sem björgunarsveit er kölluð út vegna svipaðra aðstæðna. Aðspurður hvort afréttinum verði lokað fyrir haustbeit í framtíðinni segir Bjarni það koma sterklega til greina og væri þá hægt að nýta sumarafréttina meira. Bjarni vill koma þökkum á framfæri til björgunarsveitarmanna og annarra sem að þessari aðgerð komu.
Fleiri fréttir
-
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira -
Bongóblíða um helgina
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 10.03Verðurspáin næstu daga er frétt, það þarf nefnilega ekki alltaf bara að skrifa þegar það eru gular viðvaranir. Kannski má samt segja að það sé gul viðvörun í þessari frétt því næstu dagar líta svo sannarlega vel út og samkvæmt spánni verður mjög gott veður um helgina og hægt að segja að það verði bongóblíða um allt land. Hlýindi, birta og lítill vindur.Meira -
Menningarauðlind ferðaþjónustunnar
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 09.45Á vef SSNV er verið að minna á spennandi dagskrá ráðstefnunnar Menningarauðlind ferðaþjónustunnar sem sameinar skapandi hugsun og stefnumótandi umræðu sem fram fer í Hofi á Akureyri á morgun 14. maí. Þar sem rýnt verður í framtíð menningar, ferðaþjónustu og stefnumótun. Ekki er lengur laust sæti í sal en hægt er að skrá sig og vera með í streymi HÉRMeira -
Búið að opna fyrir skráningar á námskeiðin á Prjónagleðinni
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 08.55Það styttist í Prjónagleðina sem haldin verður í Húnabyggð helgina 30. maí - 1. júní og nú er loksins búið að opna fyrir skráningar á námskeiðin sem verða í boði. Í tilkynningunni frá skipuleggjendum segir að allir ættu að finna eitthvað við sitt hæfi. Námskeiðin fara að mestu leyti fram í Húnaskóla þetta árið en þó eru námskeið sem haldin eru í Kvennaskólanum og Textíl Labinu.Meira -
Beint streymi úr æðarvarpi frá Hrauni á Skaga
feykir.is Skagafjörður 13.05.2025 kl. 07.25Það er eitt og annað sem vekur áhuga fólks fyrir framan skjáinn. Á dögunum var sagt frá því a Svíar fylgjast af áhuga með hreindýrum vaða ár á leið sinni milli svæða í Svíaríki. Gísli Einars var frumkvöðull í þessu svokallaða Slow TV og leyfði þjóðinni að fylgjast með sauðburði hjá Atla og Klöru á Syðri-Hofdölum fyrir fáeinum árum. Nú geta áhugasamir fylgst með beinu streymi úr æðarvarpi á Hrauni á Skaga.Meira
