Hugleiðing um íslenskt lýðræði
Á Hólum í Hjaltadal verður boðið uppá dagskrá í tengslum við dag Guðmundar biskups góða miðvikudaginn 16. mars. Dagskráin verður í Auðunarstofu og hefst kl. 16:00.
Þar mun Vilhjálmur Árnason prófessor flytja erindi sem hann nefnir "Er lýðræði lausnarorð eða hluti vandans? Hugleiðing um íslenskt lýðræði". Vilhjálmur er prófessor í heimspeki við Háskóla Íslands og var formaður vinnuhóps um siðferði og starfshætti í tengslum við Rannsóknarnefnd Alþingis 2009–2010 og einn höfundur 8. heftis Rannsóknarskýrslunnar en það hefti fjallar um siðferði og starfshætti í tengslum við fall íslensku bankanna 2008.
Að loknu erindi verður boðið uppá umræður. Jón Þorsteinn Reynisson leikur á harmonikku klassísk verk í eigin útsetningu. Jón Þorsteinn er fæddur 1988 og hóf tónlistarnám 5 ára gamall, en sneri sér síðar alfarið að harmónikunni og eftir eins árs nám lék hann einleik með Sinfóníuhljómsveit Íslands á tónleikum hennar á
Hofsósi. Í nóvember á síðasta ári kom út hljómdiskurinn Caprice með leik Jóns Þorsteins sem inniheldur klassísk verk eftir: Boëllmann, Paganini, Scarlatti, Mozart, Beethoven, Chopin, Vivaldi, Bach og Wagner.
Úthlutað verður styrk úr Áheitasjóði Guðmundar góða. Guðmundur Arason var biskup á Hólum frá 1203 til 1237 og þótti hann góður til áheita og þykir enn því reglulega berast áheit í sjóð Guðmundar góða. Hólanefnd hefur umsjá með sjóðnum og hefur hún ákveðið að nota það fé sem safnast til að styrkja góð málefni og einstaklinga eftir því sem efni standa til. Þetta er í fimmta skipti sem úthlutað er úr sjóðnum. Ef einhverjir vilja heita á Guðmund má leggja inn á reikning sjóðsins sem er í vörslu Arion banka á Sauðárkróki: 0310-18-650900, kt. 630169-0469
Að samkomunni standa Hóladómkirkja, Guðbrandsstofnun og Menntaskólinn á Akureyri. Samstarf þessara aðila hófst árið 2006 í tengslum við 900 ára afmæli Hólastaðar og byggir á eflingu fræðslu og umræðu um siðfræði.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
