Húnavatnshreppur auglýsir tillögu að deiliskipulagi við Þingeyraklausturskirkju
Húnavatnshreppur hefur auglýst tillögu að deiliskipulagi við Þingeyraklausturskirkju í samræmi við samþykkt sveitarstjórnar hreppsins frá 11. apríl sl. Tillagan samanstendur af skipulagsuppdrætti og greinargerð og eru allar meginforsendur deiliskipulagsins í samræmi við Aðalskipulag Húnavatnshrepps 2010–2022, að því er segir í auglýsingunni.
Í tillögunni segir svo um kirkjuna sem telst vera sérlega áhugaverður viðkomustaður ferðamanna í Austur-Húnavatnssýslu: „Þingeyraklausturskirkja er hlaðin úr grjóti og var reist á árunum 1864–1877 og þykir með merkustu kirkjum á landinu. Kirkjan er friðlýst samkvæmt lögum um menningarminjar nr. 80/2012.
Kirkjan stendur í kirkjugarði sem vígður var árið 1914 og umhverfis hann er uppsteypt rimlagirðing frá árinu 1967. Skömmu eftir síðustu aldamót var lagður stígur innan kirkjugarðsins. Þjónustuhús kirkjunnar - Klausturstofa - stendur norðan við kirkjuna. Húsið var vígð árið 2006 og þar er móttaka, salerni, búningsaðstaða fyrir presta, geymslur fyrir kirkju og kirkjugarð, og fundarsalur.“
Viðfangsefni deiliskipulagsins er að gera tillögu að aðkomuleiðum, bílastæðum, göngustígum, torgi og veggjum, gera tillögu að umhverfi þjónustuhúss, staðsetja byggingarreit fyrir geymslu og setja fram skilmála um húsgerð. Í tillögunni segir að megináherslur skipulagsins séu að uppbygging bæti ásýnd staðarins, rýri ekki staðhætti, landslag og menningarminjar. Lögð er áhersla á að aðgengi að byggingum sé gott og greina skal skýrt á milli akandi og gangandi umferðar. Dregið skal úr truflun vegna akandi umferðar eins og kostur er og kyrrstæðir bílar staðsettir með þeim hætti að þeir spilli sem minnst útsýni og umhverfisgæðum.
Tillagan liggur frammi til kynningar frá 16. maí til 1. júlí nk. á skrifstofu Húnavatnshrepps að Húnavöllum í Húnavatnshreppi og hjá skipulagsfulltrúa að Hnjúkabyggð 33 á Blönduósi.
Ennfremur er tillagan aðgengileg á heimasíðu Húnavatnshrepps, www.hunavatnshreppur.is. Frestur til að skila athugasemdum er til 1. júní nk. Athugasemdir skulu vera skriflegar og berast til skrifstofu skipulagsfulltrúa, Hnjúkabyggð 33, 540 Blönduósi. Nánari upplýsingar veitir Þorgils Magnússon, skipulagsfulltrúi í Húnavatnshreppi, byggingarfulltrui@hunavatnshreppur.is, sími 455 4700.
Tillöguna að deiliskipulaginu má nálgast hér.
Deiliskipulagsuppdrátt er að finna hér.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.