Húsfyllir á fyrstu tónleikum Sóldísar
Hinn nýstofnaði kvennakór Sóldís í Skagafirði hélt sína fyrstu tónleika í Menningarhúsinu Miðgarði í gær á konudaginn að viðstöddu fjölmenni. Glæsilegur kór sem á framtíðina fyrir sér.
Dagskráin hófst á því að þær Sigurlaug Maronsdóttir, Íris Lúðvíksdóttir og Drífa Árnadóttir sögðu frá tilurð kórsins, undirbúning og stofnun hans og fyrstu skrefum. Kom það fram í kynningunni að Drífa stendur sannarlega undir nafni því hún var sú sem dreif þetta allt áfram frá því hún fékk hugmyndina að stofnun kórsins og henni sérstaklega þakkað fyrir það.
Söngskráin samanstóð af 16 lögum sem ættuð eru víða að og gestir hrifust af söng kórsins sem sungu á ýmsum tungumálum því fyrir utan íslensku var sungið á ensku, frönsku og svahili sem m.a. er opiinbert tungumál í Kenýa.
Stjórnandi kórsins, Sólveig Einarsdóttir, hefur náð á undra stuttum tíma að virkja þessar 40 konur sem bæði koma úr Skagafirði og Húnavatnssýslu og skapað skemmtilegan kór sem á mikla framtíð fyrir sér. Undirleikari kórsins er Rögnvaldur Valbergsson sem einnig útsetti lög fyrir kórinn.
Á eftir tónleikum var boðið upp á kaffiveitingar og voru eiginmenn kórkvenna áberandi við að þjóna til borðs.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
