Hvar má leggja og hvar ekki ?

feykir.is Skagafjörður, Austur-Húnavatnssýsla, Vestur-Húnavatnssýsla 10.02.2026 kl. 15.20 gunnhildur@feykir.is
Kannski hefði þessi mynd þurft að koma líka fyrir þorrablótið á laugardaginn var til áminningar. MYND LÖGREGLAN
Kannski hefði þessi mynd þurft að koma líka fyrir þorrablótið á laugardaginn var til áminningar. MYND LÖGREGLAN

Umræða var í samfélaginu Sauðárkrókur eftir að á fjórða tug bíla voru sektaðir fyrir að leggja ólöglega fyrir utan Íþróttahúsið á Sauðárkróki meðan verið var að blóta þorra í Síkinu. Einhver óánægja var meðal þorrablótsgesta yfir þessu, að fyrirmæli hefðu mátt vera skýrari og að fólki hefði gefist kostur á að færa bílana frekar en að fá sektina. Feykir hafði samband við fulltrúa lögreglunnar sem sagði að þau leggðu alltaf áherslu á að aðgengi neyðarbíla sé tryggt. 

Í kvöld er leikur og hefur lögreglan á Norðurlandi vestra sent frá sér póst fyrir leikinn í kvöld með fyrirmælum hvar heimilt er að leggja og hvar ekki. Þetta er ekki fyrsti pósturinn með þessum leiðbeiningum en aldrei er góð vísa of oft kveðin. 

„Til að tryggja aðkomu viðbragðsaðila að íþróttahúsinu á Sauðárkróki þegar leikur Tindastóls og Brussel í kvöld þriðjudaginn 10. febrúar, verður óheimilt að leggja bifreiðum á götunni fyrir framan heimavist FNV. Sjá rauðmerkt á myndinni hér að neðan. Þá verður einnig óheimilt að leggja bifreiðum á rauðmerktum svæðum á bifreiðastæðinu norðan við Árskóla.“
Lögreglan bendir á bifreiðastæðin norðan við heimavist FNV, norðan við Árskóla, við bóknámshús FNV og við verknámshús FNV. Þá er vert að benda eining á bílastæðin við Skagfirðingabúð. Heimafólk er hvatt til nota bifreiðastæðin heima og taka göngurtúrinn ef það á þess kost, tilvalinn hreyfing. 
Það eru stæði fyrir fatlaða fyrir framan inngang íþróttahússins á bifreiðarstæðinu norðan við Árskóla og einnig á bifreiðarstæði norðan við Heimavist FNV. Lögreglan mun setja sektir á þær bifreiðar sem leggja á rauðmerktu svæðin á myndinni. Einnig verða sektir settar á þær bifreiðar sem lagt er á gangstéttum, línustrikuðum bannsvæðum á bifreiðarstæðum, við gular kantlínur og svæðum sem eru ekki ætluð fyrir umferð vélknúinna ökutækja.
Þá eru þeir sem ætla að leggja land undir fót og heimsækja Skagafjörðinn til að fara á leikinn beðnir að fara sérstaklega varlega í umferðinni og virða hámarkshraða.
Skemmtum okkur vel fyrir leik og á meðan á leiknum stendur, verum góð við hvert annað, þetta kemur fram í tilkynningu frá lögreglunni á Norðurlandi vestra. 
MÁ ÉG HEYRA!
ÁFRAM TINDASTÓLL!
Til baka

Fleiri fréttir

  • MYND FACEBOOK

    Í kvöld er Evrópukvöld

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 10.02.2026 kl. 11.00 gunnhildur@feykir.is
    Brussels Basketball frá Belgíu heimsækir Síkið í kvöld 10.febrúar og verður flautað til leiks á slaginu 19:15. Miðasala á leikinn fer fram á Stubb. Það hefur verið örlítil brekka í boltanum undanfarið svo oft var þörf en nú er nauðsyn að mæta í Síkið og hvetja okkar menn til sigurs.
    Meira
  • Svona reiknar Veðurstofan með að veðrið verði um hádegi í dag hér á Norðurlandi. Á myndinni neðst í fréttinni má sjá spána eins og hún lýtur út fyrir sunnudaginn næsta kl. 6 að morgni. SKJÁSKOT

    Spá hörkufrosti í Skagafirði um helgina

    feykir.is Skagafjörður, Austur-Húnavatnssýsla, Vestur-Húnavatnssýsla 10.02.2026 kl. 09.19 oli@feykir.is
    Veðurstofan gerir ráð fyrir norðaustan 8-15 og mögulega slyddu eða éljum næsta sólarhringinn en þurrt í innsveitum. Hiti 0 til 3 stig. Dálítil él á annesjum og Ströndum á morgun og kólnar smám saman síðdegis. Feykir les þannig í spákortin að vindur geti náð sér á strik vestan fjallgarða en veður ætti að vera skaplegt víðast hvar annars staðar eins og í nágrenni Sauðárkróks. Á morgun dregur úr vindi og það kólnar talsvert þegar nálgast helgi og má sjá frosstölur allt að 20 gráðum hér norðanlands um helgina.
    Meira
  • Fjör í tröllagerð undir handleiðslu Gretu Clough. MYNDIR: KSE

    Tröll urðu til á bókasafninu á Króknum

    feykir.is Skagafjörður, Mannlíf, Lokað efni 10.02.2026 kl. 08.45 oli@feykir.is
    Það var mikill handagangur í öskjunni og bros á hverju andliti í tröllabrúðusmiðju í Héraðsbókasafni Skagfirðinga í Safnahúsinu á Sauðárkróki á laugardaginn. Leiðbeinandi var brúðuleikarinn Greta Clough frá Hvammstanga en hress hópur þátttakenda gerðu sínar eigin brúður undir hennar leiðsögn.
    Meira

  • 112 dagurinn 2026: 30 ára afmæli Neyðarlínunnar

    feykir.is Skagafjörður, Austur-Húnavatnssýsla, Vestur-Húnavatnssýsla 10.02.2026 kl. 08.26 oli@feykir.is
    Á morgun, miðvikudaginn 11. febrúar, verður 112 dagurinn haldinn hátíðlega víða um land. Markmið dagsins er að minna á þetta mikilvæga neyðarnúmer ásamt því að þakka neyðarvörðum og öðrum viðbragðsaðilum fyrir þeirra ómetanlegu störf. Dagsetningin 11.2. er táknræn og hjálpar landsmönnum að muna þetta lífsnauðsynlega númer.
    Meira
Yfirlit frétta