Spá hörkufrosti í Skagafirði um helgina
Veðurstofan gerir ráð fyrir norðaustan 8-15 og mögulega slyddu eða éljum næsta sólarhringinn en þurrt í innsveitum. Hiti 0 til 3 stig. Dálítil él á annesjum og Ströndum á morgun og kólnar smám saman síðdegis. Feykir les þannig í spákortin að vindur geti náð sér á strik vestan fjallgarða en veður ætti að vera skaplegt víðast hvar annars staðar eins og í nágrenni Sauðárkróks. Á morgun dregur úr vindi og það kólnar talsvert þegar nálgast helgi og má sjá frosstölur allt að 20 gráðum hér norðanlands um helgina.
Ekki er annað að sjá en að norðaustan- og austanáttir verði ríkjandi næstu daga og mestu frostpollarnir verði í nágrenni Sauðárkróks og Akureyrar en þar er spáð allt að 20 stiga frosti. Vindur verður hægur en nær sér á meiri ferð á annesjum; á Skaga og Tröllaskaga en þar verður talsvert hlýrra fyrir vikið. Ekki er útlit fyrir jafn mikið frost í Húnavatnssýslum þó spár geri ráð fyrir að það fari talsvert niður fyrir mínus tíu á sunnudag.
Að sjálfsögðu er enn langt í helgina og spár eiga það til að breytast á skömmum tíma.
Færð á vegum hér á Norðurlandi vestra er með ágætum og í raun hin fínasta miðað við árstíma. Hálka eða hálkublettir eru á flestum vegum en Langidalurinn er greiðfær. Hálka er sem stendur á Öxnadalsheiði og þar er éljagangur líkt og á flestum vegum austan Tröllaskagans.
Fleiri fréttir
-
Í kvöld er Evrópukvöld
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 10.02.2026 kl. 11.00Brussels Basketball frá Belgíu heimsækir Síkið í kvöld 10.febrúar og verður flautað til leiks á slaginu 19:15. Miðasala á leikinn fer fram á Stubb. Það hefur verið örlítil brekka í boltanum undanfarið svo oft var þörf en nú er nauðsyn að mæta í Síkið og hvetja okkar menn til sigurs.Meira -
Tröll urðu til á bókasafninu á Króknum
feykir.is Skagafjörður, Mannlíf, Lokað efni 10.02.2026 kl. 08.45Það var mikill handagangur í öskjunni og bros á hverju andliti í tröllabrúðusmiðju í Héraðsbókasafni Skagfirðinga í Safnahúsinu á Sauðárkróki á laugardaginn. Leiðbeinandi var brúðuleikarinn Greta Clough frá Hvammstanga en hress hópur þátttakenda gerðu sínar eigin brúður undir hennar leiðsögn.Meira -
112 dagurinn 2026: 30 ára afmæli Neyðarlínunnar
feykir.is Skagafjörður, Austur-Húnavatnssýsla, Vestur-Húnavatnssýsla 10.02.2026 kl. 08.26Á morgun, miðvikudaginn 11. febrúar, verður 112 dagurinn haldinn hátíðlega víða um land. Markmið dagsins er að minna á þetta mikilvæga neyðarnúmer ásamt því að þakka neyðarvörðum og öðrum viðbragðsaðilum fyrir þeirra ómetanlegu störf. Dagsetningin 11.2. er táknræn og hjálpar landsmönnum að muna þetta lífsnauðsynlega númer.Meira -
Málþing um stöðu og framtíð smáframleiðenda
feykir.is Skagafjörður, Austur-Húnavatnssýsla, Vestur-Húnavatnssýsla 09.02.2026 kl. 15.17Samtök sveitarfélaga á Norðurlandi vestra og Farskólinn - miðstöð símenntunar á Norðurlandi vestra standa fyrir málþingi um stöðu og framtíð smáframleiðenda laugardaginn 7. mars næstkomandi klukkan 10-15 í Miðgarði í Varmahlíð. Nánari dagskrá málþingsins verður auglýst síðar en líklegt má telja að til umræðu verði bæði áskoranir og tækifæri sem smáframleiðendur standa frammi fyrir á markaði.Meira
