Íbúafundir um mótun menntastefnu í Sæluviku
Nú stendur yfir vinna við mótun nýrrar menntastefnu Skagafjarðar sem unnin er í samstarfi leik-, grunn- og Tónlistarskóla Skagafjarðar, Fjölbrautaskóla Norðurlands vestra og frístundar. Boðið er til opinna íbúafunda um mótun menntastefnunnar til að fá viðhorf sem flestra inn í stefnumótunarvinnuna og eru foreldrar nemenda á leik-, grunn- og framhaldsskólaaldri sérstaklega hvattir til þátttöku á fundunum.
Fundirnir eru haldnir á þremur stöðum og fór sá fyrsti fram í gær í Varmahlíðarskóla. Að sögn Helgu Harðardóttur, kennsluráðgjafa og verkefnastjóra, gekk fundurinn í Varmahlíð ljómandi vel en þangað mættu 16 manns. Þar var kynnt sú vinna sem farið hefur fram hjá menntastefnuteymi en í því eru fulltrúar frá öllum skólum Sveitarfélagsins Skagafjarðar; þremur leikskólum, þremur grunnskólum, tónlistarskólanum, FNV og frístund auk fræðsluþjónustunnar. „Við kynntum hvað við erum búin að vera að gera og síðan aðkomu íbúa að mótun menntastefnunnar. Í raun og veru er þetta opinn vettvangur fyrir fólk til að koma með hugmyndir inn í stefnumótunarvinnuna. Svo höfum við verið að vinna með starfsfólki skólanna og öllum nemendum þannig að við reynum að ná til sem flestra í þessari vinnu,“ segir Helga.
Í dag verður fundað í sal Fjölbrautaskóla Norðurlands vestra kl. 17:00 -18:00 og á sama tíma á fimmtudaginn í Grunnskólanum austan Vatna. Auk Helgu er Ingvi Hrannar Ómarsson, kennsluráðgjafi hjá Fræðsluþjónustu Skagafjarðar, einnig við stjórnvölinn á fundunum.
Allir hvattir til að mæta, kaffi og kleinur í boði.
Fleiri fréttir
-
Stór sigur á Stjörnunni í Garðabænum
feykir.is Skagafjörður, Íþróttir 03.05.2024 kl. 22.10Eftir tvo tapleiki í byrjun móts var pínu presssa á liði Tindastóls að krækja í stig í Garðabænum í kvöld þegar Stólastúlkur sóttu lið Stjörnunnar heim. Eins og reikna mátti með sat lið Tindastóls aftarlega á vellinum en beitti snörpum skyndisóknum þegar boltinn vannst. Þrátt fyrir að heimastúlkur hafi verið talsvert meira með boltann í kvöld þá unnu gestirnir sanngjarnan sigur, gerðu eitt mark í hvorum hálfleik og hefðu hæglega getað unnið stærra. Lokatölur 0-2.Meira -
Kosið um sameiningu Húna- og Skagabyggðar í júní
feykir.is Austur-Húnavatnssýsla 03.05.2024 kl. 21.45„Við erum bjartsýn en nú er þetta í höndum íbúa,“ er haft eftir oddvitum Húnabyggðar og Skagabyggðar á Facebook-síðu Húnabyggðar í kvöld en sveitarfélögin hafa samþykkt samhljóða að setja sameiningu sveitarfélaganna í íbúakosningu í júní.Meira -
Að pissa eða ekki pissa | Leiðari 16. tölublaðs Feykis
feykir.is Skagafjörður, Aðsendar greinar 03.05.2024 kl. 15.36...Í bíó á þessum tímum voru mögulega myndir á borð við Cannonball Run, Grease og Superman. Ekki var óvanalegt að Mundi hitaði upp með einum RoadRunner áður en stjörnunar birtust á tjaldinu. Klassískar Sæluvikumyndir voru Áfram-myndirnar (Carry On) og Trinity-myndirnar með hinum óborganlegu Terence Hill og Bud Spencer. Risinn Bud rotaði menn miskunnarlaust með einu góðu höggi ofan á höfuðið – brosti aldrei og var frekar þreyttur á þessum aumingjum sem voru með vesen. Þessar myndir hafa pottþétt ekki elst eins vel og Chaplin myndirnar sem Mundi sýndi í Sæluviku – enda kvikmyndaklassík einstaks listamanns...Meira -
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.