Iceprotein hlaut hvatningarverðlaun atvinnuþróunar SSNV 2014
Hvatningarverðlaun atvinnuþróunar SSNV voru afhent við hátíðlega athöfn í Menningarhúsinu Miðgarði á þriðjudaginn. Verðlaunin eru í senn viðurkenning fyrir góðan árangur og hvatning til áframhaldandi starfsemi viðkomandi fyrirtækis, félags eða einstaklings.
Að þessu sinni var sjónum beint að fyrirtækjum og starfsemi í Skagafirði. Voru fimm fyrirtæki tilnefnd: Gæðingur, Haf og Land, Iceprotein, Sauðárkróksbakarí og Urðarköttur. Niðurstaðan varð sú að Iceprotein hreppti verðlaunin.
Athöfnin hófst með ávarpi Adolfs H. Berndsen, formanns SSNV, Þá flutti Ágústa Sigrún Ágústsdóttir frá Carpe Diem erindi um árangur og mikilvægi markvissrar mannauðsstjórnunar. Loks kynntu þau fyrirtæki sem tilnefnd voru starfsemi sína, en fram kom að þau höfðu verið valin úr hópi margra verðugra og valið milli þeirra var erfitt, þó að Iceprotein hreppti að lokum hnossið.
Feykir ræddi við Stefaníu Ingu Sigurðardóttur, rannsóknarstjóra hjá Iceprotein, eftir afhendinguna. Hún segir fyrirtækið í raun á leiðinni í tvær áttir. „Annars vegar er það próteinframleiðslan sjálf, sem fyrirtækið snerist um í upphafi. En svo af því að við erum í eigu Kaupfélagsins, þ.e.a.s. Fisk Seafood, þá höfum við tekið að okkur alls konar gæðamælingar, að fylgja eftir gæðaferlum og öðru slíku hjá matvælafyrirtækjunum sem starfa hér. " Nánar er rætt við Stefaníu í nýjasta tölublaði Feykis, sem kom út í dag.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
