Íslandsmeistaramót í Endurocross um helgina
Það verður mikið um að vera í reiðhöllinni Svaðastöðum á Sauðárkróki laugardaginn 20. nóvember nk. þegar Íslandsmeistaramót í Endurocross fer fram. Að sögn Eyþórs Jónassonar gengur undirbúningur vel og útlit fyrir hörku skemmtun.
Eyþór segir að verið sé að hlaða inn allskonar dóti sem notað verður í keppnisbrautinni s.s. eins og rekaviðardrumbar, dekk af ýmsum stærðum, vélavagni sem á eftir að reyna á þor keppenda og bílhræ svo eitthvað sé nefnt og nú er verið að smíða sérhannaðan stökkpall.
Aðspurður um vélhjól í reiðhöll segir Eyþór að notagildi hússins sé það sem ímyndunaraflið leyfir. Vill hann brýna fyrir gestum að koma vel klætt því eflaust verða stóru hurðirnar mikið opnar til að lofta út.
Keppni hefst kl.15.00 og eru allir hvattir til að kíkja á spennandi keppni þar sem bestu vélhjólaknapar landsins mæta og reyna með sér.
Fleiri fréttir
-
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira -
Bongóblíða um helgina
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 10.03Verðurspáin næstu daga er frétt, það þarf nefnilega ekki alltaf bara að skrifa þegar það eru gular viðvaranir. Kannski má samt segja að það sé gul viðvörun í þessari frétt því næstu dagar líta svo sannarlega vel út og samkvæmt spánni verður mjög gott veður um helgina og hægt að segja að það verði bongóblíða um allt land. Hlýindi, birta og lítill vindur.Meira -
Menningarauðlind ferðaþjónustunnar
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 09.45Á vef SSNV er verið að minna á spennandi dagskrá ráðstefnunnar Menningarauðlind ferðaþjónustunnar sem sameinar skapandi hugsun og stefnumótandi umræðu sem fram fer í Hofi á Akureyri á morgun 14. maí. Þar sem rýnt verður í framtíð menningar, ferðaþjónustu og stefnumótun. Ekki er lengur laust sæti í sal en hægt er að skrá sig og vera með í streymi HÉRMeira -
Búið að opna fyrir skráningar á námskeiðin á Prjónagleðinni
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 08.55Það styttist í Prjónagleðina sem haldin verður í Húnabyggð helgina 30. maí - 1. júní og nú er loksins búið að opna fyrir skráningar á námskeiðin sem verða í boði. Í tilkynningunni frá skipuleggjendum segir að allir ættu að finna eitthvað við sitt hæfi. Námskeiðin fara að mestu leyti fram í Húnaskóla þetta árið en þó eru námskeið sem haldin eru í Kvennaskólanum og Textíl Labinu.Meira -
Beint streymi úr æðarvarpi frá Hrauni á Skaga
feykir.is Skagafjörður 13.05.2025 kl. 07.25Það er eitt og annað sem vekur áhuga fólks fyrir framan skjáinn. Á dögunum var sagt frá því a Svíar fylgjast af áhuga með hreindýrum vaða ár á leið sinni milli svæða í Svíaríki. Gísli Einars var frumkvöðull í þessu svokallaða Slow TV og leyfði þjóðinni að fylgjast með sauðburði hjá Atla og Klöru á Syðri-Hofdölum fyrir fáeinum árum. Nú geta áhugasamir fylgst með beinu streymi úr æðarvarpi á Hrauni á Skaga.Meira
