Isolation Game Jam leikjasmiðja á Kollafossi í sumar
Síðastliðin þrjú ár hefur fólk allstaðar að úr heiminum ferðast til norðvestur Íslands á sveitabæinn Kollafoss í Húnaþingi vestra með tvennt í huga; að klappa lömbum og búa til leiki. Í ár verður þeim sið haldið áfram, þar sem Isolation Game Jam leikjasmiðjan verður haldin 7. til 11. júní næstkomandi. Miðasala opnar á heimasíðu smiðjunnar fyrsta mars næstkomandi.
Samkvæmt tilkynningu frá leikjamiðstöðinni er mælt með að fólk tryggi sér miða eins fljótt og hægt er en síðustu ár hafa miðar selst upp á innan við 30 mínútum en pláss er fyrir sjö manns á viðburðinn. Miðasalan hefst klukkan 18:00 og kostar miðinn 13.000 krónur. Innifalið er svefnaðstaða, sæng, sængurföt, matur, internetaðgangur, kaffi, og fleira.
Game jam er nokkurs konar smiðja og hittingur sem tíðkast reglulega hjá leikjahönnuðum og áhugafólki um leikjahönnun. Þetta eru opnir viðburðir þar sem að fólk hittist og skapar leiki á stuttum tíma og með fyrirfram ákveðnum reglum og áskorunum. Sjá HÉR.
Sveitabærinn Kollafoss er staðsettur innarlega í Vesturárdal, Húnaþingi vestra í rúmlega 25 mínútna keyrslu frá Hvammstanga, og 3ja tíma keyrslu frá Reykjavík. Þar búa Jóhannes Gunnar Þorsteinsson og Arnfríður Hanna Hreinsdóttir, kötturinn Shiva, og 20 kindur.
Jóhannes Gunnar Þorsteinsson er menntaður hljóð tölvuleikjahönnuður frá Háskólanum í Skövde, Svíþjóð, og árið 2014 hélt hann fyrsta Isolation Game Jam á Kollafossi. Ári eftir það var Kollafoss Game Farm opnað með hjálp frá Samtökum Sveitarfélaga Norðurlands vestra og Sóknaráætlun Norðurlands vestra.
Hægt að sjá upplýsingar og myndir á heimasíðu Isolation Game Jam
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
