Jafntefli gegn ÍBV
Meistaraflokkur karla mætti ÍBV í Lengjubikarnum sl. laugardag í Reykjaneshöllinni. Samkvæmt heimasíðu Tindastóls komu Tindastólsmenn gríðar vel stemmdir í þennan leik og spiluðu virkilega flottan og góðan fótbolta á móti mjög sterku liði ÍBV.
Á heimasíðu Tindastóls segir að ÍBV hafi komið sterkir inn í seinni hálfleikinn og tóku ákveðin völd fyrstu 15 mínúturnar en Tindastólsmenn vörðust gríðar vel.
„ÍBV komst yfir með góðu viðstöðulausu skoti fyrir utan teig. Tindastóll efldist í raun við markið og tóku völdin aftur í sínar hendur og sýndu frábæran styrk sinn og vilja með því að jafna leikinn. Arnar Sig vann boltann og sendi Óskar Smára í gegnum vörn ÍBV og honum brást ekki bogalistinn þeim drengnum og setti hann af öryggi framhjá markmanni ÍBV,“ segir á síðunni.
Lýsingin heldur áfram og segir að aðeins nokkrum mínútum síðar komust eyjamenn aftur yfir með marki sem Messi hefði verið stoltur yfir.
„Þá setur leikmaður ÍBV boltann í fallegum boga yfir markmann stólana og upp í fjærhornið umkringdur leikmönnum tindastóls. Eins og áður héldu leikmenn Tindastóls áfram og spiluðu mjög vel og aftur sýndu þeim gríðarlega mikinn vilja og trú á verkefninu með því að koma aftur tilbaka og jöfnuðu í annað sinn. Þá sendi Konni frábæra sendingu inná teiginn þar sem Guðni og Arnar sig voru aleinir í teignum og Guðni tók sig til og lagði boltann fallega í markið af mikilli yfirvegun.
2-2 og allt í járnum.“
Í lokinn voru leikmenn Tindastóls óheppnir að skora ekki sigurmarkið en þeir fengu sannkallað dauðafæri þegar lítið var eftir en leikmaður ÍBV rétt náði að henda sér fyrir það, segir loks í lýsingunni.
Næsti leikur Tindastóls er við Grindavík í kvöld, þriðjudaginn 19. mars, kl. 20.30 í Reykjaneshöllinni.
Fleiri fréttir
-
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira
