Jákvæð fjárhagsáætlun hjá sameinuðum sveitarfélögum
Sveitarstjórn Húnaþings vestra samþykkti fjárhagsáætlun sameinaðs sveitarfélags, Húnaþings vestra og Bæjarhrepps fyrir aðalsjóð og undirfyrirtæki árið 2012, á fundi sveitarstjórnar 26. janúar sl. en sameining sveitarfélaganna gekk í gildi þann 1. janúar sl. Um er að ræða samkeyrslu á áætlun beggja sveitarfélaganna en þær höfðu áður afgreitt fjárhagsáætlun fyrir 2012 hver um sig.
Samkvæmt greinagerð með fjárhagsáætluninni er þetta í fyrsta sinn í sögu Húnaþings vestra að fjárhagsáætlun er lögð fram með jákvæðri niðurstöðu í heild sinni, þ.e. bæði á A- og B- hluta, frá því breyting var gerð á reikningsskilum sveitarfélagana 2002. Sá árangur er afar gleðilegur í ljósi þess að auknar kröfur hafa verið lagðar á sveitarfélögin með nýjum fjármálareglum sem tóku gildi sl. áramót.
Helstu niðurstöður fjárhagsáætlunar 2012
Áætlunin sem lögð var fram gerir ráð fyrir 4,6 millj. kr. tekjuafgangi af rekstri Aðalsjóðs og 21,5 millj. kr. afgangi af rekstri A-hluta samstæðunnar. Áætlað er að fráveita og hitaveita skili rekstarafgangi en að önnur B-hluta fyrirtæki séu rekin með halla. Rekstarniðurstaða samstæðu fyrir fjármagnsliði er jákvæð um 56,4 millj. kr. en heildarniðurstaða samstæðunnar er jákvæð um 5,0 millj. kr.
Tekjur A-hluta eru áætlaðar 937,6 millj. kr. en gjöld 907,5 millj. kr. Tekjur samstæðunnar eru áætlaðar 1.068 millj. kr. en gjöld 1.012 millj. kr. Fjármagnsliðir eru áætlaðir 51,4 millj. kr.
Handbært fé frá rekstri til greiðslu afborgana lána og til fjárfestinga er kr. 75,8 millj. kr. Gert er ráð fyrir nýjum lántökum að upphæð kr. 34,0 millj. kr. og afborgunum lána að fjárhæð 70,5 millj. kr. Handbært fé í árslok er áætlað kr. 107 millj. kr. sem er lækkun um 1,4 millj. kr. frá ársbyrjun.
Framundan hjá Húnaþingi vestra
Gert er ráð fyrir nokkrum fjárfestingum og framkvæmdum í fjárhagsáætluninni á vegum sveitarfélagsins á árinu 2012. Má þar nefna gatna- og gangstéttaframkvæmdir, gatnalýsingu, áframhaldandi uppbyggingu grasvallar í Kirkjuhvammi og útivistarsvæðis við Syðri-Hvammsá. Fjárfestingar og framkvæmdir á vegum vatnsveitu á Laugarbakka og Hvammstanga, fráveitu á Hvammstanga og hitaveitu á Borðeyri.
Á árinu 2012 er gert ráð fyrir fjárfestingu vegna uppbyggingar námsvers vegna dreifnáms sem hefst næsta haust. Þá er gert ráð fyrir framkvæmdum við aðgengismál skólahúss og gatnagerð á Borðeyri.
Sveitarstjórn hefur einnig undirritað samkomulag við Símann um breytingar á símstöðvum á Hvammstanga og Laugarbakka til að auka nethraða og gagnaflutningsgetu kerfisins á þeim stöðum og í næsta nágrenni þeirra. Áætlað er að framkvæmdum vegna þessa verði lokið í byrjun aprílmánaðar.
Nánari upplýsingar má sjá hér í fundargerð 194. fundar Sveitarstjórnar Húnaþings vestra.
Fleiri fréttir
-
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira
