Jólamarkaðir út um allt um helgina
Þessa dagana er jólaundirbúningurinn að hefjast hjá flestum og ekki er ólíklegt að margir noti helgina til að tylla upp einhverjum jólaljósum, útbúa aðventuskreytinguna, nú eða finna þá gömlu, baka nokkrar smákökur og þeir fyrirhyggjusömu fara kannski að skrifa á jólakortin og pakka inn jólagjöfunum. Fyrir þá sem ekki eru búnir að finna það sem á að fara í pakkana og vantar kannski eitthvert smáræði er upplagt að kíkja á jólamarkað en þar er alltaf hægt að finna margt skemmtilegt dót. Og fyrir þá sem ekki vilja kaupa neitt, þá er bara að njóta jólastemningarinnar sem svífur yfir og er alveg ókeypis.
Þessa helgina eru margir markaðir, víðsvegar um landshlutann. Hér verða taldir þeir sem Feyki er kunnugt um:
Jólamarkaður Kvenfélags Bólstaðarhlíðarhrepps er haldinn í Húnaveri í dag kl. 13:00-17:00. Kvenfélagið verður með kaffisölu á staðnum. Ekki er tekið við greiðslukortum.
Í Kringlumýri í Blönduhlíð heldur hópur kvenna aðventumarkað í dag og á morgun. Opið verður báða dagana kl. 14:00-18:00. Þar verður ekta aðventustemning og hægt að ná sér í handgerðar gersemar í jólapakkann, jólaskraut, notuð jólaföt og svo er antíkinbúðin hennar Maríu að sjálfsögðu opin.
Á Hólabaki í Húnavatnshreppi er jólamarkaður í dag og á morgun. Opið verður báða dagana milli kl. 12:00 og 17:00. Þar verða fjölbreyttar vörur frá Lagði til sölu, einnig valdar vörur úr ýmsum áttum. Ýmislegt tilvalið til jólagjafa. Heitt á könnunni og posi á staðnum.
Gallerí Alþýðulist í Varmahlíð verður opið frá kl. 13:00-18:00 í dag.
Opið verður í Maddömukoti á Sauðárkróki frá 14:00-17:00, bæði í dag og á morgun. Boðið verður upp á kjötsúpu og fjölbreytt handverk til sölu..
Jólabasar kvenfélagsins Heklu verður í Skagabúð sunnudaginn 3. desember frá kl: 14:00-17:00. Þar verður ýmislegt á boðstólum, s.s. jólakort og pappír, og gott úrval af heimaunninni vöru og handverki. Einnig verður hægt að kaupa sér heitt súkkulaði, piparkökur, rósettur og muffins. Ekki er tekið við greiðslukortum.
Um næstu helgi verður Kvenfélag Lýtingsstaðahrepps með jólamarkað í Árgarði, laugardaginn 9. desember kl. 14:00-18:00. Þar verður alls konar dýrindis varningur og handverk til sölu svo og kaffi og vöfflur með rjóma.
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.