Jólin heima – Tónleikar í beinni úr Bifröst
Einvalalið ungra listamanna í Skagafirði hófu æfingar sl. föstudag fyrir tónleika sem ætlunin er að halda síðustu helgina fyrir jól. Þeim verður streymt beint á Tindastóll TV og aðgengilegir öllum án endurgjalds. „Við ákváðum að halda þetta þar sem þetta er voða viðburðasnauður tími og samfélag sem fólk býr í núna,“ segir Jóhann Daði Gíslason einn skipuleggjanda tónleikanna.
Að sögn Jóhanns Daða er dagsetningin ekki alveg komin á hreint en klárt að tónleikarnir verða haldnir einhvern tímann um helgina 18. – 20. desember. Eitt sem gæti þurft að taka tillit til eru tónleikar sem haldnir eru annars staðar á netinu. „Já, það eru reyndar jólatónleikar þann 19. svo við þurfum aðeins að meta stöðuna en það verður alla vega sú helgi,“ segir Eysteinn Ívar Guðbrandsson og vísar þar í tónleika Björgvins Halldórssonar. Hann segir einvala lið skagfirsks tónlistarfólks koma fram undir stjórn Sigvalda Gunnarssonar.
Sent er út frá félagsheimilinu Bifröst á Sauðárkróki og verður hljómsveitin samansett úr tveimur starfandi böndum; Danssveit Dósa og Hljómsveit kvöldsins. Söngvarar verða svo ekki af lakara taginu en þeir eru: Rannveig Sigrún Stefánsdóttir, Dagný Erla og Sigvaldi Gunnarsbörn, Bergrún Sóla og Malen Áskelsdætur og Róbert Smári og Ingi Sigþór Gunnarssynir. Engir áhorfendur verða í sal eins og Covid-staðan er í dag einungis listamenn og einvalalið tæknimanna.
Að sögn þeirra Jóhanns og Eysteins er um nokkurs konar styrktartónleika að ræða þar sem fyrirtæki í Skagafirði aðstoða þá við að koma tónleikunum á en allur ágóði af þeim mun renna til Fjölskylduhjálpar kirkjunnar.
„Við viljum láta gott af okkur leiða. Hugmyndir var að hugsa m.a. til gamla fólksins sem hefur verið eitt, og vera með eitthvað sem lífgar upp á í skammdeginu. Við vonum sannarlega að þetta streymi verði gott fyrir það og þá fengið hjálp frá sér yngra fólki ef það getur ekki náð í þetta sjálft,“ segir Eysteinn en enn er verið að að leita að styrkjum hjá fyrirtækjum. Þeir segjast vera komna með góða styrki sem hjálpi þeim fyrsta spölinn.
„Vonandi heppnast þetta það vel svo þetta geti orðið árlegt, og þá vonandi að áhorfendur geti verið í sal í framtíðinni,“ bætir Jóhann Daði við.
Þeir segja nánari upplýsinga sé að vænta í vikunni en minna á að streymið er hægt að nálgast á heimasíðu TindstóllTV og YouTube rás þeirra.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.