Júlíus Jóhannsson stendur á bak við Góa og eldfærin
Laugardaginn 2. apríl frumsýndi Borgarleikhúsið og Baunagrasið barnaleikritið Eldfærin á Stóra sviðinu þar sem fyrsta ævintýrið af mörgum sem Gói mun á komandi árum gæða lífi með öllum töfrum leikhússins er sett á svið. Brottfluttur Króksari Júlíus Jóhannsson stendur á bak við uppfærsluna.
Feykir hafði samband við Júlíus og spurði hann út í það hvernig aðkomu hans að þessu verki væri háttað og hvað væri að frétta af öðru sem hann er að bardúsa við.
-Ég á fyrirtækið Baunagrasið sem er umboðsskrifstofa sem sérhæfir sig í viðburðum fyrir börn og fjölskyldufólk. Ég hef gengið með þá hugmynd í 10 ár að setja á svið Elfærin sem hefur verið mitt uppáhalds ævintýri frá því ég var barn. Rétti tíminn kom svo loks í fyrra, þá var ég á fundi með Góa. Ég bar undir við hann hvernig honum litist á að setja á svið Góa og Eldfærin. Honum leist rosa vel á það, samþykkti það og hófst strax vinnan við undirbúninginn. Fengum við Magnús Geir Þórðarson á fund við okkur og úr varð að við gerðum samstarfssamning við Borgarleikhúsið um uppsetningu leikritsins. Gói fékk síðan Þröst Leó Gunnarsson til liðs við okkur, leikur Gói dátann og Þröstur öll aukahlutverk, þar með talið, nornina og hundana. Gói skrifaði handrit Eldfæranna eftir H.C. Andersend og staðfærði söguna að okkar tíma. Vignir Snær og Gói sömdu svo nýja tónlist við verkið. Geisladiskur er að koma til landsins úr masteringu með sögunni og lögunum úr sýningunni sem Sena sem gefur út.
Hvernig hefur gengið?
Frá frumsýningu 2. apríl erum við búin að vera með 10 sýningar og eru 2500 manns búnir að koma að sjá. Útkoma leikritsins hefur farið fram úr mínum björtustu vonum. Viðtökurnar hafa verið frábærar, og þykir sýningin vera stórskemmtileg bæði fyrir börn og fullorðna.
Hvað hefur þú verið að gera undanfarin misseri?
Ég starfa á umboðskrifstofunni Prime er með Bubba KK og Ellen, Buff, Jón Jónsson, Papana ásamt því að vera með mikið að veislustjórum. Innan Prime er í samstarfi Paxal umboðskrifstofa sem er með Diktu, Friðrik Dór, Erp Eyvindar, Ourlives ofl. Nú nýjasta er Baunagrasið sem er fyrir fjölskylduna.
Hvað er framundan?
Þegar að við höfum lokið þessum sýningum þá verður farið í næsta leikrit sem verður Gói og Baunagrasið. Þar ætlum við að halda okkur við svipaða uppfærslu, tveir leikarar, Þröstur og Gói og sem verður einnig sýnt í Borgarleikhúsinu. Annars er ég sjálfur bara koma Norður í frí um páskana þar sem sólin skín sem hæst.
Á Vísi.is er skemmtilegt viðtal við leikarana Góa og Þröst Leó sem fara í allra kvikinda líki. Sjá HÉR.
Fleiri fréttir
-
Tæknismiðjan á Hvammstanga opnar í ágúst
feykir.is Vestur-Húnavatnssýsla, Listir og menning, Lokað efni 17.07.2025 kl. 16.36Í ágúst verður tæknismiðjan í samfélagsmiðstöðinni á Hvammstanga opnuð. Í tilkynningu á heimasíðu Húnaþings vestra segir að þar fái nemendur og íbúar tækifæri til að læra um þrívíddarprentun, forritun, hönnun, nýsköpun o.fl. Um er að ræða tilraunaverkefni til eins árs til að þróa tæknismiðjuna og hvetjum við íbúa til að taka þátt þegar nánari dagskrá verður auglýst.Meira -
Enginn derbíleikur norðanliðanna í átta liða úrslitum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.07.2025 kl. 16.03Eins og Feykir hefur sagt frá þá tryggðu bæði Kormákur/Hvöt og Tindastóll sér sæti í Fótbolti.net bikarnum með góðum sigrum í hörkuviðureignum í gærkvöldi. Dregið var í átta liða úrslit keppninnar í hádeginu í dag og þar varð ljóst að draumaviðureign margra á Norðurlandi vestra verður í það minnsta ekki í átta liða úrslitum.Meira -
Velkomin á Mark Watson daginn
feykir.is Skagafjörður, Listir og menning, Mannlíf 17.07.2025 kl. 14.21Í tilefni af afmæli enska aðalsmannsins Mark Watson stendur Byggðasafn Skagfirðinga fyrir dagskrá í Glaumbæ 18. júlí. Watson var mikill Íslandsvinur og eigum við honum margt að þakka, þar með talið rausnarleg peningagjöf til viðgerða á gamla torfbænum í Glaumbæ árið 1938 sem átti sinn þátt í að bærinn hefur varðveist. Watson hefur jafnframt verið titlaður bjargvættur íslenska fjárhundsins og er afmælisdagur hans Dagur íslenska fjárhundsins.Meira -
Opið fjós á Ytri-Hofdölum
feykir.is Skagafjörður, Mannlíf, Lokað efni 17.07.2025 kl. 12.05Á Ytri-Hofdölum í Hofstaðaplássi hefur risið stór myndarlegt fjós. Húsið er 1030fm2. Legubásar eru fyrir 65 kýr og svo er aðstaða fyrir kvígu uppeldi. Einn mjaltaróbóti er á staðnum. Þórdís og Þórarinn Halldórsbörn erum bændur á bænumMeira -
Aðalfundur Ámundakinnar ehf. 2025
feykir.is Austur-Húnavatnssýsla, Lokað efni 17.07.2025 kl. 11.15Í ársskýrslu félagsins er farið ýtarlega yfir reksturinn en hér er birtur úrdráttur sem Jóhannes Torfason framkvæmdastjóri félgasins tók saman: Aðalfundur Ámundakinnar ehf. var haldinn 11. júlí síðastliðinn í Eyvindarstofu á Blönduósi en félagið stundar útleigu fasteigna og er þátttakandi í rekstri fyrirtækja á starfssvæði sínu.Meira
