Laugardagsopnun hefst senn á bókasafninu á Króknum
Í febrúar verður tekin upp sú nýbreytni að bókasafnið á Sauðárkróki verður opið á laugardögum kl. 10:30-14:00, yfir vetrartímann. Fyrsta laugardagsopnuninn verður því 7. febúar. Þann sama dag stendur til að bjóða upp á brúðusmiðju. Atvinnu-, menningar- og kynningarnefnd ákvað sl. haust að taka upp laugardagsopnun á safninu, í kjölfar óska um slíkt, m.a. í niðurstöðum þjónustukönnunar sem gerð var í árslok 2024.
Í frétt á vef safnsins segir að þetta sé hrein viðbót við þjónustu safnsins, því opnunartími á virkum dögum helst óbreyttur, kl. 11:00-18:00 alla virka daga. Opnunartími á Hofsósi mun hins vegar færast á milli vikudaga, og verður frá og með næstu viku á fimmtudögum kl. 15:00-18:00.
Varðandi brúðugerðina laugardaginn 7. febrúar þá skal þess getið að það sjálf Greta Clogh frá Hvammstanga, ein fremsta brúðuleikhúslistakona heimsins, sem kemur og leiðbeinir. Allt efni verður til staðar en nauðsynlegt er að skrá sig gegnum netfangið bokasafn@skagafjordur.is. Börn 7 ára og yngri þurfa að koma í fylgd með fullorðnum.
„Það er von okkar að þessi góða viðbót við þjónustu safnsins mælist vel fyrir og við sjáum bæði fastagesti og nýja gesti nýta sér hana,“ segir í tilkynningu frá Héraðsbókasafni Skagfirðinga.
Fleiri fréttir
-
Byggðasafn Skagfirðinga og Heimilisiðnaðarsafnið fengu aukaúthlutun úr Safnasjóði
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 29.01.2026 kl. 10.28Logi Einarsson menningarráðherra hefur nú úthlutað 20.692.500 kr. úr aukaúthlutun safnasjóðs 2025. Úr aukaúthlutun árið 2025 voru veittir 70 styrkir til 37 viðurkenndra safna, 50 styrkir eru til símenntunarverkefna og námskeiðahalds og 20 styrkir til stafrænna kynningarmála. Byggðasafn Skagfirðinga fékk styrki að upphæð kr. 1.500.000 sem skiptist milli fjögurra verkefna og Heimilisiðnaðarsafnið á Blönduósi fékk styrki að upphæð kr. 790.000 sem skiptist milli þriggja verkefna.Meira -
Aron Örn valinn til þátttöku í úrtaksæfingum KSÍ
feykir.is Austur-Húnavatnssýsla, Íþróttir, Lokað efni 29.01.2026 kl. 09.56Úrtaksæfingar vreða á Akureyri fyrir yngri landslið Íslands í knattspyrnu í næstu viku. Einn þeirra sem hefur verið valinn í æfingahópinn af Lúðvíki Gunnarssyni þjálfara u16 og u17 karla er Húnvetningurinn Aron Örn Ólafsson.Meira -
Tveimur styrkjum úthlutað úr atvinnu- og nýsköpunarsjóði Húnaþings vestra
feykir.is Vestur-Húnavatnssýsla 28.01.2026 kl. 13.55Byggðarráð Húnaþings vestra hefur lokið úthlutun styrkja úr Atvinnu- og nýsköpunarsjóði sveitarfélagsins fyrir árið 2026. Sjóðurinn var auglýstur til umsóknar nýverið og rann umsóknarfrestur út 10. janúar. Tvær umsóknir bárust að þessu sinni, þar sem sótt var um samtals þrjár milljónir króna, en til úthlutunar voru 2,5 milljónir króna.Meira -
Auglýsa skipulagslýsingu fyrir Byggðasafn Skagafjarðar
feykir.is Skagafjörður 28.01.2026 kl. 13.45Sveitarstjórn Skagafjarðar samþykkti á 45. fundi sínum þann 21. janúar sl. að auglýsa skipulagslýsingu fyrir „Byggðasafn Skagfirðinga í Glaumbæ" og er þetta skv. 40 gr. skipulagslaga nr. 123/2010.Meira
