Keflvíkingar reyndust sterkari þegar upp var staðið
Lið Tindastóls sótti Keflvíkinga heim í Sláturhúsið síðastliðið föstudagskvöld og mátti þola 15 stiga tap, 93-78, eftir að hafa spilað vel framan af leik og í raun enn verið í góðum séns í byrjun fjórða leikhluta. Baráttan heldur svo áfram í kvöld þegar lið Snæfells kemur í heimsókn í Síkið.
Tindastóll byrjaði leikinn vel í Keflavík og hafði forystuna nær allan fyrsta leikhluta en það var rétt í byrjun sem Keflvíkingar voru yfir. Mest náðu Stólarnir átta stiga forystu en voru yfir 21-23 að loknum fyrsta leikhluta. Billy Baptist jafnaði leikinn í byrjun annars leikhluta en tvær 3ja stiga körfur frá Helga Margeirs og Drew Gibson komu Stólunum aftur í bílstjórasætið og þar voru þeir þangað til Magnús Gunnarsson jafnaði með einni af fjórum 3ja stiga körfum sínum í leiknum en kappinn reyndi 15 slík skot. Staðan í hálfleik 47-47.
Jafnt var á flestum tölum fram undir miðjan þriðja leikhluta en þá náðu heimamenn smá forskoti og voru sex stigum yfir af leikhlutanum loknum, 62-56. Tarick Johnson gerði fyrstu tvær körfurnar í fjórða leikhluta og minnkaði muninn í 62-60 en þá hrukku Keflvíkingar í gírinn og næstu mínútur gerðu þeir 29 stig gegn 12 stigum Stólanna og það var einmitt Maggi Gunn sem gerði síðustu körfu heimamenn fyrir utan 3ja stiga línuna og staðan 93-72. George Valentine gerði síðan þrjár síðustu körfur leiksins og lagaði stöðuna fyrir Tindastól. Lokatölur 93-78.
Á heimasíðu Tindastóls kemur fram að stór þáttur í tapinu hafi verið að Keflvíkingar tóku mun fleiri fráköst, eða 54 á móti 38 fráköstum Stólanna. Valentine, Þröstur Leó og Gibson voru stigahæstir í liði Tindastóls.
Stig Tindastóls: Valentine 18, Gibson 14, Þröstur Leó 14, Johnson 9, Helgi Rafn 8, Hreinsi 8, Helgi Margeirs 5 og Svabbi 2.
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
