Keppnisknapinn - námskeið fyrir keppendur í íþrótta- og gæðingamótum
Endurmenntun Landbúnaðarháskóla Íslands býður upp á fimm helga námskeið fyrir keppendur í íþrótta- og gæðingamótum. Námskeiðið skiptist í fjórar markvissar kennsluhelgar, auk fimmtu helgarinnar þar sem undirbúin er sýning og tekið þátt í formlegu móti.
Afrekskeppnisknapinn og reiðkennarinn Sigurður Sigurðarson mun hafa yfirumsjón með námskeiðinu, auk þess að vera aðalkennari þess. Að kennslunni koma einnig Lárus Ástmar Hannesson formaður Gæðingadómarafélagsins og Gunnar Reynisson sérfræðingur við LbhÍ.
Í námskeiðslýsingu segir:
„Námskeiðið Keppnisknapinn er hugsað fyrir þá sem vilja auka færni sína og reynslu í algengustu keppnisgreinum íslenska hestsins. Farið verður í þjálfun keppnishestsins, hvernig hann er sem best undirbúinn fyrir hinar ýmsu keppnisgreinar og hvernig sýningar eru útfærðar á árangursríkan hátt. Skilgreindar verða sterkar og veikar hliðar hvers hests og knapa auk þess sem líkamlegt ástand hestsins verður skoðað allt námskeiðið. Kennslan er einstaklingsmiðuð, en lögð áhersla á að nemar fylgist með hver öðrum. Í gegnum allt ferlið verður hugað að markmiðum og þjálfunarstigi hestsins.“
Ekki er nauðsynlegt að vera með þjálfaðan keppnishest á námskeiðinu en hesturinn þarf að vera mikið taminn og gangtegundir nokkuð hreinar.
Námskeiðið verður keyrt samhliða námskeiði fyrir hestadómara og nokkuð verður um sameiginlegar kennslu- og æfingastundir þessara tveggja námskeiðshópa (með fyrirvara um breytingar).
Námskeiðið fer fram í Hestamiðstöð LbhÍ á Miðfossum dagana 3.-4. febrúar, 17.-18. febrúar, 16.-17. mars, 30.-31. mars og 27.-28. apríl. Tími frá kl. 15 -22 föstudaga, 9 -18 laugardaga. Síðasta helgin verður styttri (alls 86 kennslustundir). Hægt er að leita eftir gistingu á Hvanneyri með sameiginlegri eldhúsaðstöðu á gisting@lbhi.is.
Verð fyrir námskeiðið er 123 þúsund kr., innifalið er kennsla, gögn, veitingar, bás og fóður. Staðfestingargjald er 18 þúsund kr. en staðfesta þarf skráningu með því að millifæra á reikninginn 0354-26-4237, kt. 411204-3590. Upphæðin er óafturkræf og er hluti af heildarupphæð. Kvittun skal senda á endurmenntun@lbhi.is. Hægt er að semja við gjaldkera um skiptingu greiðslna.
Þeir sem vilja skrá sig til þátttöku vinsamlegast hafið samband með tölvupósti á: endurmenntun@lbhi.is eða í síma 433 5000. Fram þarf að koma nafn, kennitala, heimilisfang, sími og netfang.
Minnt er á starfsmenntasjóði.
Heimild: Hestamannafélagið Þytur
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
