Kirkjan á Hofsósi mikið skemmd
Ófögur sjón blasti við séra Gunnari Jóhannessyni sóknarpresti á Hofsósi þegar hann kom í kirkjuna sína á Hofsósi í síðustu viku. Vatn hafði lekið af annarri hæð hennar þar sem vatnstankur er staðsettur.
-Ég fór í kirkjuna til að ná mér í efni til barnastarfsins sem beið þann daginn. Ekki blasti við skemmtileg sjón en nokkurra sentímetra djúpt vatn var í forkirkjunni og yfir öllu kirkjuskipinu, segir Gunnar.
Vatnið lak yfir rafmagnstöfluna sem er í skrúðhúsinu beint neðan við kompuna og við það fór rafmagnið allt úr lagi. Öll teppi eyðilögðust meira eða minna og gólfið allt illa farið. Þá fór mikið af efni forgörðum en það var geymt í skrúðhúsinu sem fór á flot. Þá fór orgelið ekki vel og ljóst að það þarf að stilla það vegna hins raka lofts.
Ekki er búið að meta skemmdirnar en ljóst er að taka þarf til hendinni í kirkjunni. -Við horfum þó björt fram á við og munum reyna að hafa hraðar hendur við endurbætur og lagfæringar og væntum þess að kirkjan verði glæsilegri og fallegri en áður þegar þær verða um garð gengnar. Aðventuhátíð kirkjunnar verður færð inn í félagsheimilið vegna aðstæðna en gert er ráð fyrir að Hofsósingar geti haldið upp á jólin sín með aftansöngi í kirkjunni á aðfangadagskvöld, segir séra Gunnar að lokum.
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
