Kiwanisklúbburinn Freyja safnaði rúmum 400 þúsund krónum
Á Sveitasælu, sem haldnir voru í ágúst, stóð Kiwanisklúbburinn Freyja fyrir söfnun til styrktar Jökli Mána, sem fæddist sjö vikum fyrir settan tíma, þann 14. júlí síðastliðinn. Hann fæddist með hjartagalla og þarf því að fara til Lund í Svíþjóð í aðgerð en hjartagallar fylgja gjarnan Downs-litningargöllum líkt og hjá Jökli. Á dögunum afhenti klúbburinn foreldrunum, Önnu Baldvinu Vagnsdóttur og Nökkva Má Víðissyni, afrakstur söfnunarinnar, samtals 448.493 krónur.
Anna Baldvina segir styrkinn koma sér einstaklega vel. „ Við þökkum af auðmýkt þann stuðning og velvilja sem við höfum fengið. Jökull Máni mun fara í opna hjartaaðgerð í Lundi í Svíþjóð og við vitum ekki hversu lengi við munum þurfa að dvelja úti. Aðgerðinni verður trúlega flýtt miðað við fyrstu forsendur, en við vitum ekki nákvæmlega hvenær hún er áformuð,“ segir Anna sem vill koma á framfæri miklu þakklæti fyrir öllum þeim stuðningi og hlýhug sem fjölskyldan hefur fengið. „Einnig viljum við koma þökkum til vökudeildar LSH, fyrir allt það sem þau hafa gert fyrir okkur og Jökul Mána! Starfsfólki vökudeildar fáum við aldrei full þakkað.“
Stofnuð hefur verið styrktarsíða á Facebook sem nálgast má HÉR
Tengd frétt: Söfnun til styrktar Jökli Mána
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
