Komin í fjöldahjálparstöð á Hólmavík
Rauði krossinn á Hólmavík hefur nú opnað fjöldahjálparstöð í Félagsheimilinu á Hólmavík og voru ferðalangar á vegum FNV komnir þangað fyrir um 20 mínútum síðan. Þar fengu þeir að borða og hlaða síma og er nú beðið átekta hvort hægt verður að halda heimferðinni áfram í dag.
Feyki hafði samband við nemanda í hópnum sem sagðist að vonum feginn að vera kominn til byggða og sjá fram á að gista í húsi næstu nótt, hvort sem það verður á Hólmavík eða heima. Viðgerð á veginum við Skeljavík sunnan Hólmavíkur er enn ekki lokið og þegar Feykir hafði samband við Gísla Einarsson fréttamann hjá RÚV fyrir skemmstu sagðist hann hafa verið ferjaður með gröfu yfir bæði flóðið við Skeljavík og eins í Staðardal. Hann taldi nokkuð langt í land með veginn við Skeljavík, þar væru mun meiri skemmdir en í Staðardal.
Fram hefur komið í fréttum að fyrstu viðbrögð lögreglu voru að ráðleggja rútunni að snúa aftur yfir Steingrímsfjarðarheiði seint í gærkvöldi. Þetta töldu farþegar og bílstjóri óráðlegt vegna mikilla vatnavaxta og aðstæðna á heiðinni,enda voru þau nýbúin að fara yfir og töldu hættu á að vegurinn gæti rofnað á fleiri stöðum. Í vefnum vísi.is lýsir foreldri eins barnsins í hópnum yfir furðu sinni að þessum ráðleggingum lögreglu og því að ekki skildi reynt að koma með mat á staðinn frá Hólmavík.
Feykir hafði í morgun samband við Jón staðarhaldara í Reykjanesi sem færði hópnum mat í nótt. Hann sagði að sér hefði gengið ágætlega yfir heiðina og hann væri vanur að vera á ferð þarna um en ekkert vit hefði verið í að snúa rútunni við til gistingar í Reykjanesi. Veður og aðstæður til að snúa við þar sem rútan var stödd hefðu ekki boðið upp á það. Eins og fram hefur komið voru einnig flutningabílar sem biðu fyrir aftan rútuna, en þeir voru komnir í Staðardal upp úr klukkan eitt í nótt.
Meðfylgjandi myndir fékk Feykir hjá Gísla Einarssyni og sýna þær vel aðstæður þar sem rútan beið átekta í nótt.
Rútufarþegarnir náðu allir einhverjum nætursvefni eftir að þeim bárust samlokur og aðrar veitingar úr Reykjanesi. Mynd: GE:
Ræsinu var komið fyrir til bráðabirgða og var rútan komin yfir á tólfta tímanum. Mynd: GE.
Það má búast við að það hafi verið kærkomið að komast til Hólmavíkur eftir dvölina í rútunni. Mynd: GE.
Krakkarnir héldu kyrru fyrir í rútunni í rúma þrettán tíma.
Vegurinn rofnaði á um 7-10 metra kafla vegna vatnavaxta. Mynd: GE.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
