Körfuboltabúðunum slitið - Friðrik Þór og Ólína Sif valin best
Eftir frábæra en erfiða viku, var körfuboltabúðunum slitið í dag. Í morgun fóru fram úrslit í einstaklingskeppnum innan hópanna og í þrautabrautinni og þá var stjörnuleikurinn leikinn og viðurkenningar afhentar.
Í yngsta hópnum var það Dagmar Björg Rúnarsdóttir sem sigraði í vítakeppninni en Örvar Pálmi Örvarsson, vann bæði þriggja stiga keppnina og 1 á 1.
Í miðjuhópnum var það Elvar Ingi Hjartarson sem sigraði í vítakeppninni, Sæþór Kristjánsson vann þriggja stiga keppnina og Gunnar Páll Björnsson 1 á 1.
Í elsta hópnum var það Friðrik Þór Stefánsson bar sigur úr býtum í vítakeppninni, Sigurður Páll Stefánsson vann þriggja stiga keppnina og Jón Valgeir Tryggvason 1 á 1.
Eins og áður segir voru þau Friðrik Þór Stefánsson og Ólína Sif Einarsdóttir valin bestu leikmenn búðanna, en þau Pálmi Þórsson og Bríet Lilja Sigurðardóttir voru valin efnilegust. Þá sigraði Kristinn Gísli Jónsson þrautabrautina.
Borce Ilievski yfirþjálfari körfuknattleiksdeildarinnar var afar ánægður með framkvæmd búðanna. "Já þetta tókst afar vel hjá okkur að mínu mati, allir voru kátir og glaðir og þá erum við það líka," sagði Borce í samtali við heimasíðuna. Hann sagði stjórn körfuknattleiksdeildarinnar og unglingaráð hafa unnið góða vinnu við undirbúning og hann þakkaði þeim aðkomuna að búðunum sem og Kára Maríssyni, sem var hans hægri hönd. Einnig Óskari Inga, Naglanum úr Nesinu og starfsfólki íþróttahússins þeim Badda, Ótthari, Hauki og Binna. "En fyrst og fremst vil ég þakka þessum frábæru krökkum sem sóttu búðirnar. Það var mangað að sjá framfarir þeirra og hversu vel erlendu þjálfararnir okkar náðu til þeirra. Þeir eru sannir fagmenn og áttu stóran þátt í því hvernig til tóks. Þjálfaranámskeiðið okkar var mjög gott að flestu leyti og við ætlum okkur að gera enn betur fyrir næstu búðir sem verða klárlega næsta sumar," sagði Borce að lokum.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
