Kótilettur – grísa og lamba - uppskriftir
Hver elskar ekki kótilettur..... hér koma tvær uppskriftir fyrir þá sem langar að prufa eitthvað nýtt með kótiletturnar annað en að raspa þær:)
UPPSKRIFT 1
Grísakótilettur í rjómalagaðri hvítlauks-sveppasósu
grísakótilettur
1 tsk. papriku krydd
1 tsk. hvítlauks krydd
salt og pipar eftir smekk
2 msk. smjör
2 msk. ólívuolía
Aðferð: Blandið paprikukryddi, hvítlaukskryddi, salti og pipar saman í skál. Þerrið kótiletturnar með eldhúspappír og kryddið þær svo rausnarlega með kryddblöndunni. Hitið smjör og ólívuolíu á pönnu og steikið kjötið í um 3-5 mín. á hvorri hlið eða þar til þær hafa brúnast vel á báðum hliðum. Takið af pönnunni og leggið til hliðar.
Sósan:
2 dl sneiddir sveppir
4-5 hvítlauksgeirar rifnir niður
1 tsk. ítalskt krydd
3 ½ dl rjómi
125 ml kjúklingasoð
1 msk. fersk söxuð steinselja
salt og pipar eftir smekk
Aðferð: Notið sömu pönnu og steikið sveppina þar til þeir verða fallega gylltir. Bætið þá hvítlauk, steinselju og ítölsku kryddi saman við. Þá næst kjúklingasoði og rjóma. Hrærið vel og leyfið þessu að malla í 3-4 mín eða þar til sósan fer að þykkna. Kryddið til ef þarf. Færið kótiletturnar yfir á pönnuna og leyfið þeim að malla í sósunni í 2-3 mín. Toppið með extra steinselju og berið fram strax. Njótið! Uppskrift og mynd tekin af nutiminn.is
UPPSKRIFT 2 
Lambakótilettur í Caj P
Um 1,3 kg af lambakótilettum
Caj P Original grillolía
Aðferð: Penslið kótiletturnar vel með grillolíu og leyfið þeim að standa við stofuhita í að minnsta kosti klukkustund áður en þær eru grillaðar. Grillið á vel heitu grilli og penslið 1-2 sinnum með grillolíu á meðan.
Grænmeti á grillið:
1 stór sæt kartafla (um 300 g)
6-8 stk. sveppir
8 stilkar ferskur aspas
½ gul paprika
½ rauð paprika
½ laukur
Filippo Berio ólífuolía
salt, pipar, hvítlauksduft,
lambakjötskrydd
Aðferð: Flysjið og skerið sætu kartöfluna niður í litla teninga (um 1×2 cm). Skerið allt annað grænmeti gróft niður. Setjið allt saman á grillpönnu, vel af ólífuolíu yfir og kryddið eftir smekk. Grillið á meðalháum hita í um 30 mínútur eða þar til kartöflurnar eru orðnar mjúkar í gegn, hrærið reglulega í á meðan.
Grillsósa:
170 g Heinz majónes
70 g Philadelphia rjómaostur
½ sítróna (safinn)
2 rifin hvítlauksrif
1 msk. saxaður graslaukur
1 msk. Heinz Sweet BBQ sósa
1 msk. sykur
1 tsk. salt
Aðferð: Pískið allt saman í skál þar til kekkjalaust. Geymið í kæli fram að notkun.
Uppskrift og mynd tekin af gotteri.is
Verði ykkur að góðu!
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.