Skot í gær og annað væntanlegt í kvöld
Stinningskaldi er nú sitt hvoru megin við Skaga en hiti er um og yfir frostmarki. Allir vegir sem vanalega eru opnir yfir veturinn eru færir en víðast hvar er hálka, hálkublettir eða snjóþekja. Það hægir á vindi um hádegi en í kvöld og næstu nótt ganga skil yfir landið og þá bæði hvessir og snjóar á Norðurlandi vestra.
Nokkuð snjóaði seinni partinn í gær og fram á kvöld en svo hlýnaði og snjórinn fór að síga. Nú um níuleytið í morgun var hálka á vegum í Skagafirði sem og á flestum vegum í Húnavatnssýslum. Við Vatnsnesið og á því er snjóþekja á vegum og það á einnig við í Vatnsdalnum og í nágrenni Siglufjarðar.
Snjóþekja er á Holtavörðuheiði en skaplegt veður virðist vera á heiðum í landshlutanum sem stendur.
Veðurspáin fyrir föstudag og laugardag er með ágætum en útlit er fyrir bjart og nokkuð stillt veður þá daga og sunnudagurinn virðist ætla að verða ágætur líka þó sólargeislarnir verði sparaðir af yfirvaldinu.
Fleiri fréttir
-
Skagfirðingar ekki spenntir fyrir styttingu
feykir.is Skagafjörður, Austur-Húnavatnssýsla, Lokað efni 26.02.2026 kl. 10.26Samgöngufélagið gefst ekki upp á styttingu þjóðvegar 1 um Norðurland vestra en byggðarráði Skagafjarðar barst tölvupóstur frá félaginu 12. janúar síðastliðinn þar sem farið var þess á leit við sveitarfélagið að gerð yrði grein fyrir afstöðu sveitarfélagsins til lagningu Vindheimaleiðar. Það var afstaða byggðarráðs að ekki séu fyrir hendi fullnægjandi forsendur, hvorki umferðaröryggislegar, fjárhagslegar, skipulagslegar né umhverfislegar, til að gera ráð fyrir Vindheimaleið og Húnavallaleið í skipulagi eða samgönguáætlun á þessu stigi.Meira -
Skagstrendingar gera klárt fyrir framkvæmdir sumarsins
feykir.is Austur-Húnavatnssýsla 25.02.2026 kl. 16.42Á Skagaströnd hefur verið unnið markvisst að umbótum á innviðum og þjónustu undanfarin misseri, samhliða því að undirbúningur fyrir sumarið er kominn vel á veg. Fjölbreyttar framkvæmdir eru í gangi á sviði mannvirkja, skólamála, gatnakerfis og hafnaraðstöðu.Meira -
Glaumbær hlýtur sérstaka viðurkenningu
feykir.is Skagafjörður 25.02.2026 kl. 13.00Hvatningarverðlaun CIE Tours til framúrskarandi fyrirtækja í ferðaþjónustu voru veitt við hátíðlega athöfn á veitingastaðnum MAR Seafood í Reykjavík í gær, 24. febrúar. Þetta er í annað sinn sem verðlaunin eru veitt hér á landi en þau eru einnig veitt árlega í Bretlandi og á Írlandi. Meðal þeirra sem hlutu sérstaka viðurkenningu var Glaumbær Museum.Meira -
Framúrskarandi verkefni 2025
feykir.is Skagafjörður, Austur-Húnavatnssýsla, Vestur-Húnavatnssýsla 25.02.2026 kl. 09.31Samtök sveitarfélaga á Norðurlandi vestra kallar eftir tilnefningum til framúrskarandi verkefna á Norðurlandi vestra á árinu 2025. Þetta er í sjöunda sinn sem viðurkenningin verður veitt og gert er ráð fyrir að hún verði afhent í lok mars 2026. Viðurkenningarnar eru veittar í tveimur flokkum: Annars vegar verkefni á sviði atvinnuþróunar og nýsköpunar og hins vegar verkefni á sviði menningar.Meira
