Kristjana og Svavar Knútur fóru á kostum
Í gærkvöldi fóru fram stórmagnaðir tónleikar í Gránu en þar komu fram þau Kristjana Stefáns og Svavar Knútur og heilluðu viðstadda upp úr skónum. Þau fluttu að mestu lög af nýútkomnum geisladiski sem kallast Faðmlög og er stútfullur af snilld, gömlu í bland við nýtt og gleði og fegurð.
Mæting var fín í litla snotra Gránusalinn og listafólkið hafði orð á því að hljómurinn væri hreint frábær í gamla timburklædda kaupfélagshúsinu við Aðalgötuna – með neftóbakskornin föst milli gólffjalanna eins og Svavar Knútur orðaði það.
Auk nokkurra frumsaminna eðallaga voru flutt lög eftir Sigfús Halldórsson, Stevie Nicks, Björn og Benny, Jón Ásgeirsson, Ladda og kinkað var kolli til Ellu Fitzgerald, Daniels Johnston og Böðvars Guðmundssonar. Flutningurinn var magnaður og það stóð ekki í þessu fólki að tjá sig skemmtilega á milli laga, fimmaurabrandararnir flugu og sömuleiðis fínni sögur. Bæði eru þau alveg fantagóðir söngvarar og Svavar Knútur svo flinkur á gítarinn að Gunni á Löngumýri ætlaði beint heim að brenna sinn... eða a.m.k. einn af þeim.
Tónleikar framundan í Skagafirði
Það er líf á tónlistarsviðinu í Skagafirði og nú í júlí verður mikið um að vera. Þeir tvíburabræður Ingi Sigþór og Róbert Smári Gunnarssynir poppa upp í Gránu annað kvöld, föstudaginn 10. júlí, með tónleika. Þá mætir KK úr Reykjavík á KK á Sauðárkróki. Það er semsagt hinn sívinsæli Kristján Kristjánsson sem mætir með gítarinn og treður upp á KK restaurant þann 17. júlí og slær á fyrsta streng kl. 21:00. Svo er Ásgeir Trausti á ferð um landið ásamt Júlíusi vini sínum. Þeir spila í Sauðárkrókskirkju fimmtudagskvöldið 23. júlí kl. 20:00 en þetta eru sennilega fyrstu tónleikarnir sem þeir félagar spila á Króknum. Þeir verða á heimaslóðum í Félagsheimilinu Hvammstanga kvöldið áður.
Ekki er ólíklegt að eitthvað vanti í þessa upptalningu og margir fleiri stígi á stokk vítt og breitt um Norðurland vestra. Fólk er hvatt til að senda Feyki línu ef það þarf að minna á viðburði á svæðinu ;o)
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.