Kvartað undan slæmri umgengni
Umhverfis- og samgöngunefnd Svf. Skagafjarðar barst kvörtun vegna slæmrar umgengni við ruslagáma við þjóðveg í landi Breiðagerðis í Skagafirði en þar er umgengnin sögð vægast sagt hræðileg. Málið var tekið fyrir á fundi nefndarinnar sl. föstudag en fleiri umræður voru um sorphirðumál þar sem ýmsar úrbætur eru sagðar fyrirhugaðar á gámastöðvum í dreifbýli sveitarfélagsins.
Á fundinum var tekið fyrir erindi frá Elínborgu Erlu Ásgeirsdóttur í Breiðagerði vegna ruslagáma við þjóðveg í landi Breiðagerðis.
„Hún segir m.a. að umgengnin við gámana sé vægast sagt hræðileg, gámarnir oft yfirfullir og enginn timburgámur á svæðinu. Í bréfinu er m.a. lagt til að svæðið í kringum gámana sé hreinsað, að timburgám verði bætt við og að sveitarfélagið komið þeim skilaboðum til þeirra sem nýta svæðið til sorplosunar að góðrar umgengni sé krafist,“ segir í fundargerð Umhverfis- og skipulagsnefndar.
Fram kemur að Umhverfis- og samgöngunefnd taki undir að bæta þurfi umgengni við gámasvæði. Svæðið var hreinsað eftir að bréfið barst og kannað verður hvort bætt verði við timburgám á svæðið við fjárhagsáætlanagerð næsta árs. Jafnframt leggur nefndin til að kannað verði hvort starfsmaður landbúnaðarnefndar geti tekið að sér eftirlit með gámasvæðum þar sem þess er þörf.
„Umhverfis- og samgöngunefnd harmar sinnuleysi og slæma umgengni við gámasvæði sveitarfélagsins og hvetur notendur gámasvæða að ganga betur um. Sorphirðumál í dreifbýli eru í heildarendurskoðun og stefnt er á að koma með tillögur að úrbótum fyrir fjárhagsáætlun 2016,“ segir í fundargerðinni.
Úrbætur á gámastöðvum í dreifbýli fyrirhugaðar
Á sama fundi var tekið til umræðu fyrirhugaðar úrbætur á gámastöðvum í dreifbýli sveitarfélagsins og voru lögð fram til kynningar drög af teikningum af afgirtum gámasvæðum. Nefndin lagði til að unnin verði kostnaðaráætlun fyrir afgirt gámasvæði í Varmahlíð og á Hofsósi fyrir fjárhagsáætlun næsta árs.
Á fundinum samþykkti nefndin einnig að verða við beiðni um að koma tímabundið fyrir timbur- og járnagámi í Hjaltadal. „Gámunum hefur nú verið komið fyrir á gatnamótum Hólavegar og Ásavegar og verða þar út september mánuð. Tilkynningu vegna gámanna hefur verið dreift á bæi við Ásaveg og Hólaveg,“ segir í fundargerð nefndarinnar.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
