Kvikmyndar síðasta bardaga Grettis
Eins og fram kom á forsíðu Feykis í gær er Bandaríkjamaðurinn William Short nú staddur hér á landi í þeim tilgangi að kanna sögusvið bardaga sem koma fyrir í íslenskum víkingasögum. William er áhugamaður um bardagalistir víkinga og stendur, ásamt öðrum meðlimum í samtökunum Hurstwic í Boston, fyrir rannsóknum og námskeiðum sem tengjast bardagalist víkingaaldar. Í sumar mun hópurinn sviðsetja og kvikmynda víg útlagans Grettis Ásmundarsonar í Drangey.
William hefur lengi verið áhugamaður um víkinga og bardagalist þeirra. Verður myndin um Gretti önnur sinnar tegundar sem hann gerir hér á landi, en áður hefur hann myndað síðasta bardaga Gísla Súrssonar í Geirþjófsfirði. Ásamt leiknum bardögum eiga DVD myndirnar að nýtast sem æfingamyndbönd fyrir þá sem vilja læra bardagalistir víkinga. Einnig innihalda þær viðtöl við sérfræðinga í hverri sögu fyrir sig, sem hafa gefið upplýsingar um bakgrunn bardaganna. William segir markmiðið að taka bardagana upp á þeim stöðum sem þeir áttu sér stað og mun hann sjálfur skrifa handritið.
„Íslendingasögurnar eru besta heimildin um bardaga á þessum tíma, þær eru að einhverju leyti skáldaðar en við trúum því að þær innihaldi raunsannar lýsingar á bardögum á víkindaöld. Þær eru okkur því mjög mikilvægar.” Aðspurður um hverjir kaupi myndir af þessu tagi segir William: „Allir, áhugafólk um víkinga, Íslendingasögur, íslenska náttúrufegurð og bókmenntir.“ DVD diskarnir eru aðallega seldir gegnum Amazon en munu einnig fást í íslenskum búðum.
Á ferð sinni um Skagafjörð undanfarna daga hefur William hitt fólk sem aðstoðar hann við undirbúninginn og segist hann mjög ánægður með árangur ferðarinnar. Myndin verður svo tekin upp seinnipartinn í sumar og hefur þegar verið valinn aðalleikari úr Huirstwiv hópnum. William segir að vinnsla DVD disksins um Gísla sögu hafi tekið um hálft ár og því megi búast við að myndin um Gretti verði tilbúin fyrri hluta árs 2016.
Fleiri fréttir
-
Myndasyrpa frá brautskráningu FNV
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf, Lokað efni 29.05.2025 kl. 20.44Það var hinn merkilegasti brautskrárningardagur við Fjölbrautaskola Norðurlands vestra í gær eins og sagt var frá hér á Feykir.is í dag. Að venju var viðburðurinn myndaður í bak og fyrir, þrír ljósmyndarar mættir á svæðið og um 1800 myndir sem þarf að rúlla í gegnum. Hér má finna smá bragð af deginum í snefilmagni.Meira -
Rekstur Húnabyggðar skilaði 210 milljóna afgangi
feykir.is Austur-Húnavatnssýsla, Lokað efni 29.05.2025 kl. 19.50Rekstur Húnabyggðar gekk vonum framar á síðasta ári og samkvæmt ársreikningi 2024 varð rekstrarniðurstaðan jákvæð um rúmlega 210 milljónir króna. Eigið fé í lok árs 2024 nam 1,5 milljarði. Í frétt á Húnahorninu segir að rekstrartekjur sveitarfélagsins í fyrra námu rúmum 2,9 milljörðum og þar af voru skatttekjur tæpir 1,3 milljarðar. Rekstrargjöld námu um 2,4 milljörðum og þar af voru laun og launatengd gjöld um 1,4 milljarður. Afskriftir námu 149 milljónum og fjármagnsgjöld tæpum 180 milljónum. Niðurstaðan er 184 milljónum betri en áætlun gerði ráð fyrir.Meira -
161 nemandi brautskráðist frá FNV í gær
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 29.05.2025 kl. 10.31Fjölbrautaskóla Norðurlands vestra var slitið við hátiðlega athöfn miðvikudaginn 28. maí. Frá skólanum brautskráðust 161 nemandi af öllum brautum skólans. Ingileif Oddsdóttir, skólameistari, og Þorkell V. Þorsteinsson, aðstoðarskólameistari, stýrðu athöfninni. Þau sérstöku tímamót verða við skólann að loknu þessu skólaári að þrír stjórnenda skólans; Ingileif skólameistari, Keli aðstoðarskólameistari og Kristján Bjarni Halldórsson áfangastjóri, láta af störfum.Meira -
Sjómenn til hamingju! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.05.2025 kl. 10.29Sjómenn Íslands fyrr og nú eiga heiður skilinn fyrir framlag sitt til íslensks samfélags. Það þarf sterk bein til að sækja sjó því það er ekki alltaf logn og blíða og veður geta oft verið válynd og æðruleysi og dugnaður hefur einkennt íslenska sjómannastétt.Meira -
Rannsóknir efldar á vatnasviði Blöndu
feykir.is Austur-Húnavatnssýsla, Lokað efni 29.05.2025 kl. 10.18Landsvirkjun og Veiðifélag Svartár og Blöndu komust í vetur að samkomulagi um kostun Landsvirkjunar á vöktun seiðastofna í báðum ám. Í frétt Húnahornsins segir að Landsvirkjun muni einnig kosta úttekt Hafrannsóknastofnunar á ástandi laxastofnsins í Blöndu. Þá er fyrirhuguð rannsókn á fiskstofnum í bergvatnsánum uppi á Auðkúluheiði og Eyvindarstaðaheiði sem falla til Blöndulóns.Meira
