Kvöldið leggst vel í Hrafnhildi Ýr
Söngkonan Hrafnhildur Ýr Víglundsdóttir frá Dæli í Víðidal kemur fram í beinni útsendingu í Voice Ísland í kvöld. „Kvöldið leggst mjög vel í mig,“ sagði Hrafnhildur þegar Feykir hafði samband við hana rétt í þessu. „Mig langar að þakka fyrir allan stuðninginn og minna á að ég kemst ekki áfram nema vera kosin,“ sagði hún ennfremur.
Hrafnhildur Ýr komst áfram eftir æsispennandi ofureinvígi við þá Tuma og Þóri og fór svo að þau komust öll áfram en Svala Björgvins „stal“ Hrafnhildi í sitt lið. Húnvetningar styðja að sjálfsögðu sína konu og verður sýnt beint frá keppninni á veitingastaðnum Sjávarborg á Hvammstanga.
Stuðningsfólk hennar hefur verið ötult við að taka myndir af sér við strætóskýli þar sem er að finna myndir af Hrafnhildi og merkja með myllumerkinu „TeamHrabby“. Meðal annars dóttir hennar, Eva Rún 9 ára, sem bendir stolt á myndina af mömmu sinni á meðfylgjandi mynd.
Þá má geta þess að hin 17 ára gamla Guðbjörg Viðja Antonsdóttir, á tengsl í Skagafjörðinn, þó hún kenni sig við Dalvík. Foreldrar hennar, þau Inga María og Anton Páll Níelsson eru reiðkennarar við Háskólann á Hólum.
Fleiri fréttir
-
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira -
Fjögur verkefni á Norðurlandi vestra fengu styrki
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 25.06.2025 kl. 07.37Fjórar umsóknir frá Norðurlandi vestra fengu brautargengi við aðra úthlutun úr Hvatasjóði íþróttahreyfingarinnar. Alls barst 91 umsókn í sjóðinn upp á rúmar 128 milljónir króna. Samþykktar voru 72 umsóknir og úthlutað tæpum 38,5 milljónum króna.Meira -
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira
