Kynningarfundur vegna sýningar tileinkaðri atvinnulífi, menningu og mannlífi í Skagafirði

feykir.is Skagafjörður, Uncategorized 22.03.2010 kl. 09.17 oli@feykir.is

Ákveðið hefur verið að halda sýningu tileinkaða Atvinnulífi – menningu og mannlífi í Skagafirði, í íþróttahúsinu á Sauðárkróki helgina 24. - 25. apríl næstkomandi. Sérstakur kynningarfundur um verkefnið verður haldinn á Mælifelli mánudaginn 22 mars kl. 12:10. Þar verða, yfir rjúkandi súpu og nýbökuðu brauði, veittar allar nánari upplýsingar varðandi tilhögun, kostnað, kynningarefni, þátttöku í málþingi o.s.frv.

Hugmyndin er að á sýningunni gefist fyrirtækjum, stofnunum, félagasamtökum, þjónustuveitendum og fleiri tækifæri til að kynna íbúum Skagafjarðar og gestum það sem í boði er í Skagafirði þessa helgi í aðdraganda Sæluviku.

Feykir hafði samband við Áskel Heiðar Ásgeirsson sviðsstjóra markaðs- og þróunarsviðs Sveitarfélagsins Skagafjarðar og spurði um tilkomu sýningarinnar. -Hugmyndin með þessari sýningu er að draga fram þann fjölbreytileika sem hér er í atvinnulífi, þjónustu og mannlífi og bjóða fólki upp á að skoða sem mest af því sem hér er í boði, milliliðalaust.  Við leggjum mikla áherslu á að það verður lítill kostnaður fyrir þátttakendur á þessari sýningu og að sjálfsögðu verður ókeypis inn á hana fyrir gesti.  Vonandi vilja sem flestir kynna þarna það sem þeir hafa fram að færa, hvort sem það er framleiðsla, þjónusta, félagsskapur, menningarstarf eða bara eitthvað annað.-

Samhliða sýningunni fer fram málþing um atvinnumál og nýsköpun, auk þess sem gefið verður út kynningarblað um Skagafjörð og athafna- og menningarlíf þar, sem ætlunin er að fari um allt land, líkt og gert var 2008. Líklegt er að útvarpsfólk verði á svæðinu og sendi út þætti sína þessa helgi frá sýningunni.

Mikilvægt er að til að vel takist til verði þátttaka á sýningunni almenn og sem allra flest fyrirtæki og félagasamtök sjái tækifæri í að vekja athygli á vörum sínum, þjónustu, menningu eða félagsstarfsemi.  -Fyrsta skrefið er að mæta í súpu á Mælifell í hádeginu á mánudag og hlýða á nánari kynningu á verkefninu.  Eigi fólk ekki heimangengt er líka hægt að senda mér póst á heidar@skagafjordur.is og fá allar upplýsingar,- segir Áskell Heiðar.

Til baka

Fleiri fréttir

  • Mynd aðsend.

    Alþjóðlegi safnadagurinn hjá Byggðasafni Skagfirðinga á sunnudaginn

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40 siggag@nyprent.is
    Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.
    Meira
  • Frá heimsókn í Steinullarverksmiðjuna. MYND AÐSEND

    Vel heppnuð námsferð stúdenta í iðnaðar- og orkutæknifræði á Sauðárkrók

    feykir.is Skagafjörður 14.05.2025 kl. 13.17 gunnhildur@feykir.is
    Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.
    Meira

  • Tilkynning um fráveituframkvæmdir í Víðihlíð á Sauðárkróki 14. - 15. maí

    feykir.is Skagafjörður 14.05.2025 kl. 12.27 gunnhildur@feykir.is
    Á vef Skagafjarðar er vakin athygli á því að vegna fráveituframkvæmda í Víðihlíð á Sauðárkróki í dag og á morgun, megi búast við vegaþrengslum á framkvæmdasvæðinu
    Meira
  • Rakel, Baldur og Ragnar Thor. MYND AÐSEND

    Tvö uppáhaldsliðin að mætast í úrslitum

    feykir.is Skagafjörður, Íþróttir, Lokað efni 14.05.2025 kl. 09.40 gunnhildur@feykir.is
    Rakel Rós Ágústsdóttir er fædd og uppalin á Sauðárkróki og má kannski segja að hún komi úr fremar rótgróinni körfuboltafjölskyldu. Hún, bræður og systir körfubolta-spilandi og síðan er hún gift Baldri Þór Ragnarssyni og á með honum soninn Ragnar Thor. Fyrir þá sem ekki vita er Baldur, maður Rakelar, þjálfari Stjörnunnar í meistaradeild karla í körfubolta sem etur nú kappi við Tindastól í úrslitum bónusdeildarinnar í körfubolta. Þriðji leikurinn í seríunni fer einmitt fram í Síkinu í kvöld og hefst á slaginu 19:15.
    Meira
  • Þetta er hann Tungukotsmóri sem er listaverk eftir Ólöfu Nordal sem er á lóð Heilbrigðisstofnunarinna. Hann á að minna íbúa á að hlúa vel að stofnuninni. MYND: GUÐMUNDUR HAUKUR

    Hollvinasamtök Heilbrigðisstofnunar Hvammstanga hélt aðalfund

    feykir.is Vestur-Húnavatnssýsla, Mannlíf, Lokað efni 14.05.2025 kl. 08.38 oli@feykir.is
    Aðalfundur Hollvinasamtaka Heilbrigðisstofnunar Hvammstanga var haldinn þann 5. maí sl. Í tilkynningu frá samtökunum segir að á þeim 19 árum síðan samtökin voru stofnuð hafi þau afhent stofnuninni gjafir að upphæð kr. 51.280.000 sem á núvirði eru líklega í kringum 80 milljónir.
    Meira
Yfirlit frétta