Landsbankinn tekur í notkun hraðbanka og þjónusturými á Blönduósi
Í gær opnaði Landsbankinn nýjan hraðbanka og þjónustuskrifstofu í verslunarkjarnanum að Húnabraut 4 á Blönduósi en húsnæðið er í eigu Ámundakinnar. Í þjónusturýminu mun starfsfólk bankans veita viðskiptavinum á Blönduósi ráðgjöf og aðstoð á þriðjudögum og fimmtudögum, frá kl. 12-15.
„Það er ánægjulegt fyrir okkur sem vinnum með málefni Ámundakinnar að bjóða Landsbankann velkominn til starfa á Húnabraut 4. Það er augljóst hagræði af því að fólk geti nálgast sem fjölþættasta þjónustu undir sama þaki. Þá er og mikilvægt að geta á nýjan leik sótt ráðgjöf og persónulega fjármálaþjónustu á Blönduósi,“ segir í tilkynningu Ámundakinnar á Húna.is.
Í húsnæði Ámundakinnar að Húnabraut 4 er nú margvísleg þjónusta en þar er Kjörbúðin með verslun auk þess sem Vínbúðin, Lyfja, veitingastaðurinn Tene og fleiri eru með þjónustu í húsnæðinu.
Bankaþjónusta hefur breyst mikið
Nú síðari árin var á Blönduósi útibú frá Arion banka en það var sameinað útibúinu á Sauðárkróki vorið 2021 og útibúinu á Blönduósi þá lokað. Það voru íbúar Blönduóss skiljanlega ósáttir með og nú hefur staða þeirra batnað með nýrri þjónustu Landsbankans í bænum. „Bankaþjónusta hefur breyst mikið á undanförnum árum. Flest notum við símann eða tölvuna til að sinna fjármálunum en stundum þurfum við að komast í bankann til að fá ráðgjöf og aðstoð. Með því að opna hraðbanka á Blönduósi og bjóða þar ráðgjöf og þjónustu tvisvar í viku, viljum við bæta þjónustuna við íbúa á Norðvesturlandi og vonumst eftir að sem flestir sláist hóp ánægðra viðskiptavina Landsbankans,“ segir á heimasíðu Landsbankans.
Hraðbankinn verður aðgengilegur allan sólarhringinn en þar verður hægt að taka út og leggja inn reiðufé, borga reikninga og millifæra. Þjónustufulltrúar munu veita ráðgjöf og aðstoða viðskiptavini, t.d. við að nýta sér hraðbankann, Landsbankaappið og aðrar stafrænar lausnir bankans.
Þá kemur fram á síðu Landsbankans að afgreiðslutími bankans á Skagaströnd hafi verið breytt nú í byrjun vikunnar og er afgreiðslan nú opin á mánudögum, miðvikudögum og föstudögum frá kl. 12-15. Þá hætti Landsbankinn að veita póstþjónustu á Skagaströnd þann 19. janúar síðastliðinn.
Heimildir: Húni.is og Landsbankinn.is
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.