Láta smíða nýtt skip í Tyrklandi
FISK Seafood, ásamt Samherja og Útgerðafélagi Akureyringa, hefur gert samning við skipasmíðamiðstöðina Cembre Shipyard í Istanbul í Tyrklandi um smíði á fjórum nýjum ísfisktogurum. Samkvæmt frétt Morgunblaðsins þann 8. ágúst sl. kaupir Samherji og ÚA þrjá togara og FISK Seafood einn. Skip FISK Seafood mun leysa ísfiskskipið Klakk SK-5 af hólmi en hann var smíðaður árið 1977.
Áætlað er að smíði fyrsta skipsins hefjist upp úr næstu áramótum og verður afhending þess í apríl/maí 2016. Heildarverðmæti þessara samninga er um 10 milljarðar íslenskrar króna. Í frétt Morgunblaðsins kemur fram að Samherji hafi látið bjóða í verkið í nokkrum löndum og að tilboðið frá Cembre Shipyard hafi verið hagstæðast. Stálsmíði skipanna mun fara fram í Tyrklandi en íslensk fyrirtæki og aðilar hafa komið að hönnun þeirra.
Þá hefur FISK Seafood einnig gert samning við Alkor skipasmíðastöð í Póllandi um breytingar og endurbætur á Málmey SK-1. Eins og greint er frá á heimasíðu fyrirtækisins er áætlað að skipið verði komið til Póllands um miðjan september nk. og verklok áætluð um miðjan nóvember. Að lokinni siglingu heim tekur við niðursetning á nýjum búnaði á vinnsludekki skipsins og er vonast til að skipið verði klárt til veiða á ný í ársbyrjun 2015.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
