Lewis með stórleik í sterkum sigri Stólanna
Dominos-deildin hrökk í gang í gærkvöldi en þá fóru fram þrír leikir. Þar á meðal var leikur ÍR og Tindastóls í Hertz-hellinum í Seljaskóla. Leikurinn var vel leikinn og spennandi þó Stólarnir hafi lengstum haft frumkvæðið. Lokatölur voru 90-103.
ÍR-ingar börðust eins og ljón í upphafi leiks, tilbúnir að sýna að getgátur um fallbaráttuslag í vetur væru tóm þvæla. Stólarnir létu hamagang heimamanna þó ekki slá sig út af laginu og leikurinn í járnum framan af. Lið Tindastóls með Darrel Lewis í feyknaformi komst fjórum stigum yfir, 20-24, fyrir lok fyrsta leikhluta og var síðan búið að ná níu stiga forystu áður en annar leikhluti var hálfnaður. Mestur varð munurinn 15 stig, 28-43, þegar Lewis skoraði 3ja stiga körfu og fékk vítaskot að auki. Líkt og í fyrsta leikhluta kláraði Lewis annan leikhluta með flautukörfu, að þessu sinni utan 3ja stiga línunnar, og staðan í hálfleik 42-51.
Heimamenn höfðu verið nokkuð óagaðir í leik sínum í fyrri hálfleik og söfnuðu villum. Þeir komu yfirvegaðri til leiks í síðari hálfleik og klóruðu í forystu Stólanna. Helgi Margeirs hélt þeim þó mátulega fjarri með þremur 3ja stiga skotum á þremur mínútum og Tindastóll fór inn í fjórða leikhluta með ellefu stiga forskot, 61-72. ÍR-ingar minnkuðu muninn í sex stiga snemma í síðasta leikhluta en Stólarnir gáfu ekkert eftir og lönduðu öruggum sigri.
Vísir.is hafði eftir Pieti Poikola þjálfara Tindastóls að leik loknum að hann hefði séð margt gott í leik sinna manna. Hver einasti leikmaður hafði eitthvað gott fram að færa í kvöld og þannig viljum við hafa það. Við viljum vera lið sem er með kröftuga heild. Ég myndi segja að við vorum góðir í fimmtán mínútur og þokkalegir í hinar 25. Það er ásættanlegt. Þetta var fínn körfuboltaleikur og bæði lið gerðu margt gott í kvöld. “ sagði Poikola.
Darrel Lewis gerði 37 stig og tók 11 fráköst og Flake, sem er í fínu formi, gerði 17 stig. Þá gerðu Helgi Margeirs og Svavar Birgis 12 stig hvor. Allir leikmenn Stólanna fengu að spreyta sig í leiknum og náðu tíu þeirra að koma stigum á töfluna. 3ja stiga nýting beggja liða var ríflega 30% en nýting Tindastólsmanna innan teigs var mun betri en ÍR-inga.
Stig Tindastóls: Lewis 37, Flake 17, Svavar 12, Helgi Margeirs 12, Pétur 9, Hannes 6, Arnþór 4, Helgi Viggós 3, Pálmi 2 og Viðar 1.
Fleiri fréttir
-
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira -
ÍBV henti Stólastúlkum úr bikarnum á sannfærandi hátt
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 16.34Það var stórleikur á Sauðárkróksvelli í dag þegar Tindastóll fékk lið ÍBV í heimsókn í átta liða úrslitum í Mjólkurbikar kvenna. Því miður áttu heimastúlkur engan stórleik og máttu sætta sig við 1-3 tap gegn Lengjudeildar-liði Vestmannaeyinga. Það má segja að lukkudísirnar hafi verið með þeim í liði en Stólastúlkur áttu sennilega sinn slakasta leik á tímabilinu og það á degi þar sem liðið hefði getað tryggt sér sæti í undanúrslitum bikarsins í fyrsta skipti í sögunni.Meira -
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Húnavatnssýslu og er giftur Stefaníu Egilsdóttur. Hann segist sjálfur vera illa grunnskólagenginn, með tæplega 600 fjár, 18 geitur, 11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira
