Líklega kosið um sameiningu 8.-22. júní
Feykir sagði frá því fyrir viku að Húnabyggð og Skagabyggð hefðu samþykkt að ganga til kosninga í júní um sameiningu sveitarfélaganna. Að líkindum fer kosning fram dagana 8.-22. júní. Ef sameining verður samþykkt þá mun hún taka gildi 1. ágúst 2024. Síðastliðinn sunnudag var opinn fundur í Skagabúð fyrir íbúa Skagabyggðar þar sem sameiningarmál voru m.a. rædd.
Erla Jónsdóttir, oddviti Skagabyggðar, tjáði Feyki að íbúafundurinn hafi meira fjallað um aðdragandann að sameiningunni en sameininguna sjálfa. „En almennt þá lagðist þetta vel í íbúa að mínu mati enda tillagan í samræmi við áherslur okkar starfshóps um sameiningarvalkost sem skipaður var einstaklingum sem sameining hefur mest áhrif á,“ sagði Erla þegar Feykir spurði hvernig ákvörðun um sameiningu hafi lagst í íbúa.
Ákvörðun um að fara í viðræður við Húnabyggð var byggð á valkostagreiningu sem farið var í á árinu 2023. Starfshópur sem skipaður var foreldrum í sveitarfélaginu, sem áttu börn á aldrinum 0-12 ára, vann þá valkostagreiningu og skilaði tillögu til sveitarstjórnar í nóvember 2023 að hefja viðræður við Húnabyggð.
Fleiri fréttir
-
Þórir Guðmundur og Eva Rún valin best í vetur
feykir.is Skagafjörður, Íþróttir 20.05.2024 kl. 14.24Lokahóf Körfuknattleiksdeildar Tindastóls var haldið á Kaffi Krók síðastliðið föstudagskvöld og þar var gert upp sögulegt tímabil þar sem karlaliðið stóð ekki undir væntingum en kvennaliðið daðraði við að komast í efstu deild í fyrsta sinn á öldinni. Þórir Guðmundur Þorbjarnarson og Eva Rún Dagsdóttir voru valin bestu leikmennirnir af samherjum sínum.Meira -
Vor á ný er fínasta fínt með Slagaarasveitinni
feykir.is Austur-Húnavatnssýsla, Vestur-Húnavatnssýsla, Listir og menning 20.05.2024 kl. 14.02Hið þverhúnvetnska gæðaband, Slagarasveitin, sem skipað er mönnum á besta aldri, sendi í fyrrahaust frá sér samnefnda tólf laga breiðskífu. Útgáfunni fylgdi sveitin eftir með stórtónleikum í Iðnó í Reykjavík 22. september og daginn eftir stigu þeir á svið í Félagsheimilinu á Hvammstanga. Platan er fáanleg á föstu formi en ekki á Spotify en þangað hafa þeir félagar týnt eitt og eitt lag af plötunni og nú í byrjun maí streymdu þeir laginu Vor á ný.Meira -
Velkomin heim - Helga Einarsdóttir
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 20.05.2024 kl. 09.00Helga Einarsdóttir er yngst þriggja systra, dóttir Lillu frá Stóru Seylu, sem kannski ekki allir vita að heitir Margrét Erna Halldórsdóttir, og Einars Sigurjónssonar sem flutti ungur í Skagafjörðinn úr Garðabænum. Betri helmingur Helgu er hrein- ræktað borgarbarn og heitir Daníel Fjeldsted og eru börnin tvö, Kolbrún Ósk 4 ára og Viktor Einar 2 ára. Helga og Danni eins og hún kallar hann fluttu „heim“ í Helgu tilfelli fyrir rétt tæpu ári síðan. Helga er rekstrarverkfræðingur og starfar hjá Húsnæðis- og mannvirkjastofnun.Meira -
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira -
Vantaði upp á orkustigið og stemninguna
feykir.is Skagafjörður, Íþróttir 19.05.2024 kl. 12.01„Þetta var ekkert sérstakur leikur af okkar hálfu og við getum betur, sérstaklega með boltann,“ sagði Donni þjálfari Stólastúlkna þegar Feykir spurði hann út í bikarleikinn gegn liði Þórs/KA sem fram fór í gær en Akureyringar höfðu betur 1-2. „Vissulega spila aðstæður stóran þátt því það var mikill vindur á annað markið. En jafnvel með vindinum fannst mér pláss til að gera betur. Úrslitin voru svekkjandi og sanngjörn en frammistaðan er það sem við horfum í og þar viljum við gera betur.“Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.