Lokafundur „Riding Native Nordic Breeds“
Um síðustu helgi var haldinn á Hólum lokafundur í verkefninu „Riding Native Nordic Breeds.“ Þátttakendur komu frá Noregi, Færeyjum, Grænlandi, Íslandi og Bandaríkjunum.
Dagskráin stóð saman af fræðilegum fyrirlestrum, kynningum og heimsóknum í fyrirtæki á svæðinu, auk þess sem fjallað var um hvað áunnist hefði í verkefninu og næstu skref til að efla frekari samvinnu á þessum vettvangi.
Á föstudagskvöldinu fékk hópurinn kynningu á hestafræðideild skólans og fékk m.a. að sjá nemendur og skólahesta leika listir sínar. Á laugardeginum var fjallað um hvað hefði áunnist meðan á verkefninu stóð, m.a. handbók um hestaferðaþjónustu í tengslum við upprunaleg norræn hestakyn, sem unnið er að í verkefninu. Einnig voru fluttir fyrirlestrar um klasasamstarf og þróun klasa í hestamennsku á Norðurlandi vestra.
Eftir hádegi á laugardeginum voru fyrirtækjakynningar þar sem þátttakendur kynntust bæði nýjum og reyndari fyrirtækjum sem byggja starfsemi sína á hestinum með einum eða öðrum hætti. Hlín Mainka Jóhannesdóttir sagði frá Lynghorse sem er nýtt fyrirtæki með áherslu á reiðkennslu og hestaferðaþjónustu. Síðan var farið í Flugumýri II, Lýtingsstöðum og í Rúnalist – gallerí og endað á mat á Hótel Varmahlíð, þar sem fluttur var einn fyrirlestur.
Á sunnudeginum var málstofa tileinkuð hestaheilsu og ræktun. Þessir þættir eru umhugsunarverðir fyrir þá sem vinna með hestakyn sem jafnvel eru í útrýmingarhættu, eins og t.d. færeyski hesturinn. Gestir fundarins fengu svo leiðsögn um Sögusetur íslenska hestsins.
Þá var haldin var málstofa um næstu skref þar sem ákveðið var að nota samfélagsmiðla og rafræn samskipti til að halda sambandi og undirbúa frekara samstarf á þessu sviði. Nánar er sagt frá dagskrá helgarinnar á vef Hólaskóla og þar eru einnig fleiri myndir.
Fleiri fréttir
-
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira -
Prjónagraffið sett upp á Blönduósi
feykir.is Austur-Húnavatnssýsla, Listir og menning, Lokað efni 23.05.2025 kl. 14.09Undirbúningur Prjónagleðinnar er í fullum gangi á öllum sviðum og má m.a. sjá þess merki í prjónagraffi sem verið er að setja upp á Blönduósi. Í frétt á Húnahorninu segir a' Prjónagraffið hafi verið sett upp árlega í tengslum við hátíðina og hafa skreytingarnar glatt heimamenn og gesti. Um er að ræða listaverk sem prjónarar í bænum hafa prjónað í gegnum tíðina.Meira -
Heiminum verður bjargað rétt fyrir ellefu á mánudagskvöldið
feykir.is Skagafjörður, Listir og menning, Lokað efni 23.05.2025 kl. 12.05Dumm, dumm, dummdumm, dumm, dumm... Já, Króksbíó sýnir nýjustu og sennilega síðustu myndina í Mission Impossible seríunni á mánudaginn. Myndin hefur undirtitilinn The Final Reckoning. Bíógestir ættu að vera búnir að koma sér fyrir með popp og kók í salnum eina sanna á slaginu átta og geta þá fylgst með Krúsaranum leggja allt í söurnar til að bjarga heiminum frá hinsta degi í boði AI.Meira
