Loksins sigur Stólastúlkna í Síkinu
Það var leikið í 1. deild kvenna í gær en þá mætti b-lið Fjölnis í Síkið og mættu liði Tindastóls sem hefur átt undir högg að sækja upp á síðkastið. Lið gestanna var yfir í hálfleik en eftir sérkennilegan þriðja leikhluta náðu Stólastúlkur yfirhöndinni og náðu með mikilli baráttu að passa upp á forystuna allt til loka og náðu því loks í sigur eftir erfiða eyðimerkurgöngu síðustu vikurnar. Lokatölur 48-40.
Lið Tindastóls fór betur af stað og Eva Rún var mjög áberandi í fjarveru Evu Wium. Berglind Gísla setti niður þrist fyrir lok fyrsta leikhluta og staðan 16-9 heimastúlkum í vil. Eftir að hafa verið 19-11 yfir snemma í öðrum leikhluta gerðu gestirnir þrjár 3ja stiga körfur og komust yfir en jafnræði var með liðunum fram að hléi. Staðan 25-27 í hálfleik eftir að Marín Lind lagaði stöðuna með tveimur vítaskotum.
Þriðji leikhluti kemst sennilega ekki í sögubækurnar fyrir fegurð og blússandi sóknarleik en gestirnir gerðu fjögur stig á fyrstu fjórum mínútunum en síðan ekki söguna meir á meðan lið Tindastóls gerði ekkert stig fyrstu sex mínúturnar en níu stig það sem eftir lifði og var því komið yfir, 34-31, eftir gríðarlega varnarbaráttu. Lið Fjölnis minnkaði muninn í tvö stig snemma í fjórða leikhluta en Stólastúlkur svöruðu með þristi frá Marín og þremur stigum frá Lindu Þórdísi og staðan 43-35. Þennan mun náðu gestirnir aldrei að vinna upp og lokatölur urðu 48-40.
Eva Rún Dagsdóttir var atkvæðamest í liði Tindastóls en hún gerði 16 stig og þrátt fyrir ansi fáa sentimetra á hæðina þá hirti hún 12 fráköst og var frákastahæst í Síkinu. Linda Þórdís Barðdal Róbertsdóttir spilar nú með Stólastúlkum og hún komst vel frá sínu, gerði 11 stig og tók átta fráköst. Þá var Marín Lind Ágústsdóttir með 13 stig í leiknum. Karen Lind Helgadóttir átti erfitt uppdráttar í sókninni, tók tíu skot í opnum leik en hitti aldrei, en hún var grjóthörð í vörninni og hirti 11 fráköst. Raunar var hittni liðanna ansi slök í leiknum en baráttan var í topplagi.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.