Lukkan í liði Selfyssinga þegar Kormákur/Hvöt laut í gras
Lið Kormáks/Hvatar hóf leik í 2. deild Íslandsmótsins í knattspyrnu í gærdag en þá héldu Húnvetningar á Selfoss þar sem lið Selfoss beið þeirra. Gestirnir voru þéttir til baka og sköpuðu sér vænlegar stöður sem ekki nýttust en lið heimamanna fékk eitt gott færi og nýtti það. Lokatölur því 1-0 og nú krossa Húnvetningar fingur og treysta á að fall sé fararheill.
Það var fátt um dauðafæri í leiknum og það voru gestirnir sem fengu besta færi fyrri hálfleiks en Atli Þór setti boltann beint í lúkurnar á markmanni Selfyssinga. Staðan því markalaus í hálfleik og síðari hálfleikur var með svipuðu sniði. Það var hins vegar sem fyrr segir heimaliðið sem gerði eina mark leiksins og það kom á 70. mínútu. Þá snéri Ganzalo Zamorano Leon á Papa og skoraði.
Lesa má ágætis umfjöllun um leikinn á Aðdáendasíðu Kormáks og þar segir m.a. að fyrir leik hafi „...væntingar heimamanna sennilega verið í þá átt að hér væri þægilegasta byrjun á móti sem þeir hefðu getað óskað sér – en annað átti eftir að koma á daginn.“ Þeir höfðu þó sigur að lokum sem voru ekki verðskulduð úrslit því gestirnir máttu heita óheppnir að nýta ekki sín færi betur í leiknum.
Næsti leikur Kormáks/Hvatar er settur á um næstu helgi en þá mun lið Reynis Sandgerði mæta Húnvetningum. Þá er bara að sjá hvort völlurinn á Króknum telst brúklegur eftir leysingabasl aprílmánaðar.
Fleiri fréttir
-
Stólastúlkur dottnar út eftir hörkuleik gegn sameinuðum Akureyringum
feykir.is Skagafjörður, Íþróttir 18.05.2024 kl. 16.12Tindastóll og Þór/KA mættust á Dalvíkurvelli í hádeginu í dag í fyrsta leiknum í 16 liða úrslitum Mjólkurbikars kvenna. Nokkur vindur var og einstaka slyddubakki gekk yfir Eyjafjörðinn meðan á leik stóð og lék vindurinn nokkuð hlutverk í því hvernig leikurinn þróaðist. Öll mörkin komu í fyrri hálfleik og leiddu gestirnir í Þór/KA 1-2 í hálfleik en ekki tókst liðunum að skora í þeim síðari þrátt fyrir sénsa á báða bóga.Meira -
Framkvæmdir við smábátahöfnina á Sauðárkróki
feykir.is Skagafjörður 18.05.2024 kl. 14.07Á Sauðárkróki er nú unnið að undirbúningi fyrir malbikun á svæðinu við smábátabryggjuna í samræmi við samþykkt deiluskipulags Sauðárkrókshafnar.Meira -
Fyrsti sigur Húnvetninga í hús í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla 18.05.2024 kl. 13.04Fyrsti sigurleikur Kormáks/Hvatar kom á Dalvík í gærkvöldi þegar Húnvetningar sóttu heim Knattspyrnufélag Fjallabyggðar. Stigin þrjú voru Húnvetningum kærkomin eftir töp í fyrstu tveimur umferðunum í 2. deildinni. Lokatölur 0-3.Meira -
Ánægjuleg niðurstaða ársreiknings Skagafjarðar
feykir.is Skagafjörður 18.05.2024 kl. 10.01Ársreikningur Skagafjarðar fyrir árið 2023 var samþykktur samhljóða við síðari umræðu í sveitarstjórn sl. miðvikudag. Í frétt á heimasíðu Skagafjarðar segir að niðurstaðan sé ánægjuleg, rekstrarafgangur samstæðunnar var samtals að upphæð 123 milljónir króna, afborganir langtímalána voru hærri en taka nýrra lána annað árið í röð og skuldahlutfall og skuldaviðmið lækkuðu einnig annað árið í röð, auk þess sem eiginfjárhlutfall og handbært fé í árslok hækkuðu á milli ára.Meira -
Söfn í þágu fræðslu og rannsókna | Alþjóðlegi safnadagurinn er í dag
feykir.is Skagafjörður, Listir og menning, Mannlíf 18.05.2024 kl. 07.28Yfirskrift safnadagsins í ár, „Söfn í þágu fræðslu og rannsókna“, snýr að mikilvægi menningarstofnana þegar kemur að því að bjóða upp á heildræna fræðslu og tækifæri til þekkingaröflunar. Eins og segir á heimasíðu FÍSOS (Félag íslenskra safna og safnamanna): „Söfn þjóna samfélaginu sem kraftmiklar fræðslumiðstöðvar, þar sem þau glæða forvitni, sköpunargleði og gagnrýna hugsun. Nú í ár er vakin athygli á þætti safna í að styðja við rannsóknir og skapa vettvang til að kanna og deila hugmyndum. Hvort sem viðfangið er saga eða listir, tækni eða vísindi, þá eru söfn vel í stakk búin til að efla skilning og þekkingu okkar á heiminum í gegnum fræðslu og rannsóknir.“Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.