Margir fá hærri hitaveitureikninga en öllu jafna
Um miðjan október sl. var lesið af öllum hitaveitumælum notenda Skagafjarðarveitna í Skagafirði og var sá álestur notaður til uppgjörs á um tólf mánaða tímabili, frá miðjum október 2017 til miðs október 2018. Notendur hafa því fengið raunnotkun sína leiðrétta fyrir þetta tímabil og eiga ýmist inneign eða eru í skuld.
Á heimasíðu SKV segir það sérstaklega áberandi við þennan álestur að margir notendur hafa verið að fá hærri reikninga en öllu jafna. Skýrist það af stórum hluta á veðurfari síðasta árs þar sem meðalhitastig var töluvert lægra en árin 2016 og 2017.
Árni Egilsson, skrifstofustjóri SKV, segir að í október sé lesið af hitaveitumælum hjá hinum almenna notenda og í kjölfarið sendir út uppgjörsreikningar. Í ár voru þessir uppgjörsreikningar almennt hærri en árið á undan vegna þess að tímabilið var 1,7°C kaldara en tímabilið þar á undan, sem var þar að auki í hlýrra lagi. „Þessi hitasveifla í tíðarfarinu gerði það að verkum að áætlun um meðaltals dagsnotkun var lægri en raunnotkun sagði til um og sem gerði það að verkum að uppgjörsreikningar notenda voru 5 til 20 þúsund króna hærri og hjá sumum töluvert hærri. Hærri uppgjörsreikningar voru almennt á Sauðárkróki, vegna þess hversu notkunarsaga mælanna er stutt og því litlar forsendur fyrir reikningakerfið að gera áætlanir. Einnig voru notendur sem áttu inneign, og má ætla að þeir notendur hafi verið að vinna í því að lækka hjá sér hitunarkostnaðinn og það hafi skilað þeim það góðum árangi að þeir hafi átt inneign þrátt fyrir kaldari tíð,“ segir Árni.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.