Margir kynna starfsemi sína á Mannamóti
Mannamót, árleg kaupstefna sem sett er upp af markaðsstofum landshlutanna, í samvinnu við flugfélagið Erni og Isavia, er haldin í dag í Kórnum í Kópavogi. Kaupstefnan er kynningarvettvangur ferðaþjónustunnar á landsbyggðinni og jafnframt tækifæri til að koma á fundum fagaðila í greininni.
Markmið og tilgangur með Mannamóti er að skapa vettvang þar sem landsbyggðarfyrirtæki fá tækifæri til að kynna sína þjónustu og vöruframboð fyrir ferðaþjónustuaðilum sem staðsettir eru á höfuðborgarsvæðinu og gefst gestum viðburðarins kostur á kynna sér það sem mismundi landshlutar eru að bjóða upp á með áherslu á vetrarferðamennsku.
Allnokkur ferðaþjónustufyrirtæki af Norðurlandi vestra eru með kynningu á Mannamóti. Meðfylgjandi myndir tóku Sigríður Garðarsdóttir og Edda Brynleifsdóttir í morgun.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.