„Miðflokkurinn í Skagafirði fordæmir alfarið fordóma er varða kyn, kynferði og kynvitund“
Töluverð umræða hefur skapast um orð Snorra Mássonar, varaformanns Miðflokksins, um fána hinsegin fólks í skólum landsins. Af þessu tilefni hefur Feyki borist yfirlýsing frá Högna Elfari Gylfasyni og Jódísi Helgu Káradóttur sem skipa tvö efstu sæti Miðflokksins í Skagafirði. Þar segir meðal annars að „...þessi orðræða á ekki á nokkurn hátt samhljóm með stefnu Miðflokksins og hreint alls ekki um framboð flokksins hér í Skagafirði.“
Tilkynningin er birt í heild sinni hér að neðan.
- - - - -
Kæru Skagfirðingar og aðrir samlandar.
Af gefnu tilefni langar okkur að segja nokkur orð um þá umræðu sem geysað hefur í netheimum og við eldhúsborð landsmanna, um fána hinsegin fólks í skólum landsins.
Eðlilega varð mörgum heitt í hamsi og tóku þessa umræðu nærri sér. Það er eðlilegt að hinsegin fólki standi ekki á sama í orrahríðinni sem skapast hefur og breyttist úr fánaumræðu í tilverurétt þess minnihlutahóps.
Þessi orðræða á ekki á nokkurn hátt samhljóm með stefnu Miðflokksins og hreint alls ekki um framboð flokksins hér í Skagafirði. Við teljum að allir íbúar samfélagsins séu jafnir óháð kyni, kynvitund, stöðu eða nokkrum öðrum þáttum. Jafnréttismál höfum við í hávegum og höfnum við hverskonar mismunun. Miðflokkurinn í Skagafirði fordæmir alfarið fordóma er varða kyn, kynferði og kynvitund.
Á lista Miðflokksins í Skagafirði er fólk af ýmsum toga með ólíkan bakgrunn og fjölbreytilegar fjölskyldur að baki sér. Við fullyrðum að allir sem á listanum okkar eru virða alla einstaklinga jafnt burtséð frá margbreytileika þeirra. Mörg okkar þekkja eða hafa tengingu við hinsegin einstaklinga sem við elskum jafnt á við alla aðra. Það er leitt að þurfa að taka það fram að við og okkar góðu vinir á listanum hér í Skagafirði stöndum heilshugar með hinsegin fólki, rétt eins og öllu öðru fólki.
Með kærleika, vinsemd og virðingu.
Högni Elfar Gylfason og Jódís Helga Káradóttir
Frambjóðendur Miðflokksins í Skagafirði í 1. og 2.sæti
Fleiri fréttir
-
Tekið til kostanna í kvöld
feykir.is Skagafjörður, Íþróttir, Mannlíf 18.04.2026 kl. 12.25í reiðhöllinni Svaðastöðum verður líf og fjör í kvöld því þar verður „Tekið til kostanna" hestasýning með léttum brag. Skagfirskir hestar og menn í öllum útgáfum. Sérstaklega má nefna „Töltgrúbbuna" hóp glæsikvenna sem æft hafa vikum saman munsturreið sem þær munu sína gestum.Meira -
Hefur þú prufað að gera í heimagert paté?
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 18.04.2026 kl. 08.32Í tölublaði 44, 2025, sem kom út um miðjan nóvember þá vildi svo skemmtilega til að ég var nýbúin að fara á jólahlaðborð og að sjálfsögðu þá klikkaði maturinn ekki. Ég verð að viðurkenna að ég er hrifnari af forréttunum og þá sérstaklega paté-inu. Ég hef velt því fyrir mér hvort ég ætti að reyna að gera paté sjálf og fór á stúfana á netinu. Það var reyndar ekki auðvelt að finna þær en hér koma tvær. Fyrri uppskriftin er af síðunni Gulur rauður grænn og salt og var Högni S. Kristjánsson gestabloggari hjá þeim. Hann var einnig með uppskrift af rauðlaukssultu sem fær að fljóta með. Seinni uppskriftin er af síðunni www.kryddogkrasir.com.Meira -
Skagafjörður sem áfangastaður - grípum tækifærin | Rósanna Valdimarsdóttir skrifar
feykir.is Skagafjörður, Aðsendar greinar 17.04.2026 kl. 15.35Ég hugsa oft um hvaða upplifun ferðamenn fara heim með eftir heimsókn til okkar í Skagafjörð. Ferðalög eru í mínum huga það eina sem ég eyði peningum í sem gerir mig ríkari. Ekki af hlutum, heldur af minningum, nýjum sjónarhornum og sögum sem móta mig og hvernig ég hugsa. Hver einasta ferð gefur mér eitthvað sérstakt sem ég fæ hvergi annars staðar keypt fyrir peninga.Meira -
Viðtal við Pétur Rúnar, herra Skagafjörð
feykir.is Skagafjörður, Íþróttir 17.04.2026 kl. 11.30Á facebooksíðu Körfuknattleiksdeildar Tindastóls kemur fram að kominn sé í loftið nýr þáttur af myndvarpinu „Stóllinn”! Myndvarpið er unnið í samstarfi við Kvikmyndabraut Fjölbrautaskóli Norðurlands vestra.Meira
