Mikið framundan í Skagafirði
Á heimasíðu sveitarfélagsins Skagafjarðar segir frá því að fjölmargir viðburðir og ráðstefnur eru á dagskránni í Skagafirði á komandi vikum.
Aðalfundur Samfés, samtaka félagsmiðstöðva, fór fram í Skagafirði á dögunum og vorfundur Grunns, félags stjórnenda á skólaskrifstofum verður haldinn í Skagafirði dagana 18.-20. maí. Í maímánuði koma einnig bæjar-/ og sveitarstjórar landsins til fundar í Skagafirði og í júní stendur sveitarfélagið fyrir vinabæjamóti. Um miðjan júní fer síðan fram norrænt mót lögreglumanna í knattspyrnu sem mun draga mikinn fjölda gesta í fjörðinn. Þegar sumri fer að halla stendur Skíðadeild Tindastóls fyrir stórri alþjóðlegri skíðaráðstefnu sem gert er ráð fyrir að fram fari í ágúst og í upphafi októbermánaðar heldur Byggðasafn Skagfirðinga árlegan Farskóla safnamanna.
Meðal annarra viðburða sem eru á dagskránni næstu mánuði má nefna Tekið til kostanna - alþjóðlega hestadaga í lok apríl, Sæluvikuna sem hefst 1. maí, Molduxamótið í körfubolta sem einnig er í maí, Jónsmessuhátíðina í Hofsósi sem verður 17.-19. Júní, Lummudaga í Skagafirði sem fara fram síðustu helgi júnímánaðar, Landsbankamót í knattspyrnu og Barokkhátíð á Hólum. Sunnudaginn 26. júní hefst vikulangt Landsmót hestamanna á Vindheimamelum, sem gert er ráð fyrir að verði ein fjölmennasta íþróttahátíð ársins og hið árlega Skagafjarðarrall fer fram 22.-24. júlí. Alþjóðlegir óperutónleikar verða í Menningarhúsinu Miðgarði um verslunarmannahelgina þar sem þekktir söngvarar koma fram, ásamt Karlakórnum Heimi og félögum úr Sinfóníuhljómsveit Norðurlands. Ágústmánuður býður upp á Króksmót í knattspyrnu, Hólahátíð og tónlistarhátíðina Gæruna 12.-14. ágúst, auk sögudags á Sturlungaslóð og Sveitasælu - landbúnaðarsýningar en báðir viðburðir fara fram þann 20. ágúst. Síðasta helgin í september er síðan helguð Laufskálarétt og hátíðarhöldum sem henni fylgja. Þessu til viðbótar er fjöldi viðburða sem tengjast íþróttum, bæði frjálsum íþróttum, hestaíþróttum og mótorsporti, auk fjölda opinna móta á hinum glæsilega Hlíðarendagolfvelli við Sauðárkrók.
Á þessari upptalningu, sem er alls ekki tæmandi, sést að það eru mjög takmarkaðar líkur á því að gestum sem sækja Skagafjörð heim þurfi að leiðast og allir ættu að finna eitthvað við sitt hæfi í skagfirsku viðburðaflórunni.
Fleiri fréttir
-
Skagafjörður sem áfangastaður - grípum tækifærin | Rósanna Valdimarsdóttir skrifar
feykir.is Skagafjörður, Aðsendar greinar 17.04.2026 kl. 15.35Ég hugsa oft um hvaða upplifun ferðamenn fara heim með eftir heimsókn til okkar í Skagafjörð. Ferðalög eru í mínum huga það eina sem ég eyði peningum í sem gerir mig ríkari. Ekki af hlutum, heldur af minningum, nýjum sjónarhornum og sögum sem móta mig og hvernig ég hugsa. Hver einasta ferð gefur mér eitthvað sérstakt sem ég fæ hvergi annars staðar keypt fyrir peninga.Meira -
Viðtal við Pétur Rúnar, herra Skagafjörð
feykir.is Skagafjörður, Íþróttir 17.04.2026 kl. 11.30Á facebooksíðu Körfuknattleiksdeildar Tindastóls kemur fram að kominn sé í loftið nýr þáttur af myndvarpinu „Stóllinn”! Myndvarpið er unnið í samstarfi við Kvikmyndabraut Fjölbrautaskóli Norðurlands vestra.Meira -
Sæluvikan heldur áfram
feykir.is Skagafjörður, Listir og menning, Mannlíf 17.04.2026 kl. 09.15Það er föstudagur í Sæluviku og ýmislegt í gangi. Söfnin eru opin; Safnahúsið með sína Indriða sýningu, Vatnaveröldin hans Ómars er opin frá 1. til 5. Eyþór Árna heldur áfram sínu ljóða ferðalagi og verður á Reynistað kl:5. Krakkar frá Ársölum syngja í Skagfirðingabúð kl:10.15.Meira -
Indverskur kjúklingaréttur og frönsk súkkulaðikaka | Matgæðingur Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 17.04.2026 kl. 09.01Matgæðingur vikunnar í tbl. 45, 2025, var Hugrún Líf Magnúsdóttir en hún fékk áskorun frá systur sinni, Selmu Björt, að taka við matgæðingaþætti Feykis. Hugrún og maki hennar, Birgir Knútur, eru búsett á Sauðárkróki og er hún fædd og uppalin á Króknum en Knútur er frá Þingeyri. Hugrún er eins og stendur í fæðingarorlofi en starfar sem sjúkraliði og Birgir Knútur starfar sem lögreglumaður. Hugrún og Knútur eiga þrjú börn, þau Aran Leví, Amalíu Eldey og lítinn Knútsson.Meira -
Frá körfuknattleiksdeild Tindastóls. UNDANÚRSLIT - MIÐASALA Leikur 21. apríl
feykir.is Skagafjörður, Íþróttir, Mannlíf 16.04.2026 kl. 15.30Jæja, kæra Tindastólsfólk! Það er vor í lofti, partýtjaldið stóð af sér páskahretið og eftir létta pásu, sem vonandi hefur verið vel nýtt í að draga fram fánann, hreinsa kúrekahattinn og rifja upp söngtexta Grettismanna, er komið að því sem við öll höfum beðið spennt eftir. – Hvernig ætlar Indriði að skipuleggja miðasöluna í undanúrslitaseríunni!?Meira
