„Mikilvægast að vera góð manneskja“
Meistaraflokkur Tindastóls í körfu hefur átt mikilli velgengni að fagna í vetur og á góða möguleika á að landa Íslandsmeistaratitlinum í fyrsta sinn en liðið tryggði sér þátttöku í úrslitarimmu Domino´s deildarinnar með fræknu sigri gegn Haukum í gærkvöldi. Þjálfari liðsins er Spánverjinn Israel Martín Conceptión en hann flutti til Sauðárkróks síðastliðið haust, ásamt þá barnshafandi konu sinni Cristinu Ferreira, og tók til starfa hjá Tindastóli. Blaðamaður Feykis heimsótti hjónin á dögunum.
„Hann er frá Akureyri,“ segir Israel stoltur á svip þegar hann sýnir blaðamanni átta vikna son sinn, Gabriel, sem sefur vært í vöggu sinni. „Ég veit ekki hve lengi við verðum hér, vonandi sem lengst þar sem okkur líður mjög vel, en ef við flytjum burt þá komum við klárlega tilbaka eftir um tíu ár til að sýna honum hvar hann fæddist. Þá getur hann sagt mamma mín er frá Brasilíu, pabbi er frá Tenerife á Spáni en ég... ég er frá Íslandi,“ segir hann og hlær.
Israel og Cristina taka vel á móti blaðamanni og yfir kaffibolla segja þau frá æskuslóðum sínum, lífinu í atvinnuíþróttamennsku og hvernig þau hafa komið sér fyrir á Íslandi. „Ég er frá um tíu þúsund manna bæ sem heitir La Victoria de Acentejo á eyjunni Tenerife á Kanaríeyjum,“ útskýrir Israel og segist vera elstur þriggja systkina en hann á tvær yngri systur og er sjö ára aldursbil á milli þeirra allra en Israel er fæddur árið 1974.
Fjölskylda hans hefur starfrækt veitinga- og kaffihús á Tenerife um árabil. Þegar Israel er spurður um æskuár sín segir hann þau hafa snúist mikið um íþróttir en faðir hans var mikill íþróttaáhugamaður. „Þegar ég var mjög ungur tók ég þátt í alls konar íþróttum, t.d. tennis og auðvitað körfubolta. En aldrei fótbolta, einhverra hluta vegna, þó svo fyrsta gjöfin frá föður mínum hafi verið fótbolti,“ segir hann og brosir.
„Þegar ég var 10 ára gamall las faðir minn í einhverju dagblaðinu að verið væri að bjóða upp á inntökupróf í mjög góðu liði í Tenerife. Ég lét reyna á það, þeir tóku við mér og ég spilaði með þeim í 10 ár. Síðar þjálfaði ég það lið í sjö ár, þannig að öll mín æskuár og rúmlega það var ég hjá sama liðinu.“
Viðtalið við Israel og Cristinu í heild sinni má lesa í Feyki sem kemur út í dag.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
