Minjar verða sjávarrofi að bráð
Mikið sjávarrof á sér stað við strendur landsins og ómetanlegar fornminjar eru í mikilli hættu. Mikið af minjum eru nú þegar farnar og margar eiga stutt eftir. Frá þessu er greint í myndskeiði frá Þekkingarmiðlun ehf.
„Þetta eru í mörgum tilfellum minjar eins og naust og verbúðir en einnig verslunarstaðir og stórir bæjarhólar. Ástandið er grafalvarlegt og má flokka sem menningarlegt stórslys,“ segir í texta með myndskeiðinu.
Í meðfylgandi myndskeiði er rætt við Bryndísi Zoega og Guðmund St. Sigurðsson hjá Byggðasafni Skagfirðinga. Fram kemur að um er að ræða minjar tengdar sjósókn og landbúnaði. Landbrot er mikið á sumum svæðanna og telur tugi metra í minni núlifandi fólks. Minjar sem skráðar hafa verið á síðustu árum hafa jafnvel horfið með öllu.
Bryndís tekur sem dæmi Hraunakrók í Fljótum þar sem voru tuttugu sjóbúðir og hjallar skráðir á uppdrætti snemma á síðustu öld en nú eru fimm til sjö eftir. Svipaða sögu er að segja frá Grafarósi, Haganesvík og Bæjarklettum og Kotunum þar nærri. Kolkuós er einnig dæmi um stað þar sem minjar hafa horfið mjög hratt.
„Þetta er ekki vandamál morgundagsins, þetta er vandamál dagsins í dag,“ segir Guðmundur í viðtalinu.
https://youtu.be/bWBKh0WosWU
Fleiri fréttir
-
Kindurnar í Hvammshlíð vita sínu viti
feykir.is Skagafjörður, Austur-Húnavatnssýsla, Lokað efni 04.06.2025 kl. 21.24Snjórinn hefur víða gert bændum skráveifu síðustu daga líkt og Feykir hefur greint frá. Karólína í Hvammshlíð sendi okkur línu nú síðdegis og sagði stöðuna hjá sér þannig að hitinn væri rétt um frostmark og úrkoman sem til stóð að félli sem rigning, samkvæmt veðurspánni, er 100% snjór. Hún segist þó vera í góðum málum sem betur fer.Meira -
Lausar lóðir til leigu á Nöfum á Sauðárkróki
feykir.is Skagafjörður, Lokað efni 04.06.2025 kl. 16.38Byggðarráð Skagafjarðar ákvað á 148. fundi sínum þann 27. maí sl. að auglýsa til leigu þær lóðir á Nöfum sem hefur verið skilað inn. Fram kemur í tilkynningu á heimasíðu Skagafjarðar að umsækjendur skulu tilgreina í umsókn hvers konar not þeir hugsa sér að hafa af landinu og hvort þeir hafi leyfi til búfjárhalds í þéttbýli.Meira -
Sundlaugin opnar í Varmahlíð
feykir.is Skagafjörður 04.06.2025 kl. 13.00Vakin er athygli á því að sundlaugin í Varmahlíð opnar í dag miðvikudaginn 4. júní kl. 12:00, eftir tímabundna lokun vegna viðhaldsvinnu segir á vef Skagafjarðar.Meira -
Snjómagnið minnkar í Fljótum
feykir.is Skagafjörður, Lokað efni 04.06.2025 kl. 12.01„Það hefur aðeins lagast, fimm stiga hiti og rigning. Það hefur minnkað töluvert snjómagnið síðan í gær,“ sagði Halldór Gunnar bóndi á Molastöðum þegar Feykir fylgdi eftir fréttinni frá í gær þar sem fram kom að bændur í Fljótum hefðu allir sótt fé sitt og komið á hús, enda jörð komin undir snjó í þessu norðanskoti sem enn stendur yfir.Meira -
Bjór og götumatur glöddu hátíðargesti á Hólum
feykir.is Skagafjörður, Listir og menning, Mannlíf, Lokað efni 04.06.2025 kl. 11.26Bjórhátíðin á Hólum var haldin laugardaginn 31. maí en hátíðin fór fyrst fram í september 2011 og er sú hátíð sem oftast hefur verið haldin hér á landi. „Hún féll niður í Covid og hefur því verið haldin í þrettán skipti,“ segir Bjarni Kristófer en hann segir hátíðina hafa þróast úr hreinni bjórhátíð í bjór- og matarhátíð þar sem boðið er upp á fjölbreyttan götumat.Meira
