Minniboltamót Tindastóls
Unglingaráð körfuknattleiksdeildarinnar stendur fyrir fyrsta sjálfstæða minniboltamótinu sem haldið hefur verið á Sauðárkróki, þann 13. nóvember n.k. Krakkar frá 6 - 11 ára munu taka þátt í því.
Það hefur færst í aukana síðustu árin að félög út um landið, hafa sett upp sérstök minniboltamót sem ætluð eru aldrinum 6-11 ára. Á þessum mótum hefur áherslan verið lögð á skemmtun en stigaskor og keppni lögð til hliðar.
Unglingaráð körfuknattleiksdeildarinnar ákvað í sumar að sækja um dagsetningu fyrir minniboltamót á Sauðárkróki og varð dagsetningin 13. nóvember fyrir valinu. Ákveðið var að einbeita sér að bæjarfélögum, skólum og félögum á norður- og austurlandi í kynningu á mótinu og hefur verið unnið í kynningarmálunum núna undanfarið.
Í dag liggur fyrir að auk krakka frá Tindastóli, komi lið frá Skallagrími, Þór Akureyri, Kormáki Hvammstanga, Skagaströnd og jafnvel fleiri stöðum. Hugmyndin er að byrja þetta smátt, en efla mótið ár frá ári.
Frá Tindastóli munu krakkar í míkróboltanum (1. - 2. bekk) taka þátt, minnibolti yngri (3. - 4. bekkur) og minnibolti eldri (5. - 6. bekkur) sömuleiðis. Reglur verða aðlagaðar að þátttakendum hverju sinni og heimilt er að senda kynjablönduð lið.
Mótsgjaldið verður kr. 1500 og fá krakkarnir boli til minningar og kjarngóða sameiginlega máltíð í lok móts. Ýmis körfuboltaskemmtiatriði verða síðan í boði samhliða mótinu.
Nánari fréttir verða fluttar af mótinu þegar nær dregur.
Hafi einhver lið á norður- og austurlandi, jafnvel vesturlandi, áhuga á að koma á mótið, er þeim bent á að hafa samband við Rúnar Birgi Gíslason mótstjóra í síma 618-4910 eða á netfanginu runar@mikkivefur.is
Fleiri fréttir
-
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira -
Þurfum ekki neitt
feykir.is Skagafjörður, Listir og menning 21.07.2025 kl. 10.45Í sumar hafa Una Torfa og Hafsteinn Þráinsson, einnig þekktur sem CeaseTone, verið á músíkkölsku ferðalagi. Parið hefur marga músíkfjöruna sopið, þau hafa flakkað um landið og flutt lög í stórum sölum og litlum kirkjum, fyrir fólk á öllum aldri á blíðviðriskvöldum og í óveðri. Núna er komið að Sauðárkrókskirkju í kvöld,21 júli, kl: 20.00Meira -
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira
