Mosfellingar sendu Stólana niður í 3. deild
Tindastóll mætti Aftureldingu á Króknum í dag og ljóst var fyrir leikinn að jafntefli mundi duga Stólunum til að halda sæti sínu í 2. deild. Niðurstaðan varð hinsvegar sú að lið Tindastóls tapaði leiknum og féll því milli deilda annað árið í röð. Lukkan var ekki í liði með Stólunum í leiknum í dag.
Það var blautt og vindur að sunnan á Sauðárkróksvelli. Fannar Gísla gerði ágætt mark fyrir Stólana strax á 12. mínútu með skoti sem markvörður gestanna hefði sennilega átt að verja. Eftir þetta var Afturelding meira með boltann en þeir sköpuðu sér fá færi undan vindinum. Arnar Skúli Atlason fór meiddur af velli á 36. mínútu og í hans stað kom frændi hans, Bjarni Smári Gíslason. Þegar skammt var til leikhlés var leikurinn stöðvaður í nokkrar mínútur meðan gert var að meiðslum Hlyns Hlöðverssonar í marki Tindastóls. Þegar leikurinn hófst aftur komust Stólarnir í ágætt færi en gestirnir negldu fram og fyrir skelfileg mistök í vörn Stólanna var Alexander Davorsson skyndilega sloppinn í gegn og skoraði af öryggi. 1-1 í hálfleik.
Ljóst var fyrir leikinn að lið Dalvíkur/Reynis var löngu fallið í 3. deild og því spurning hvaða lið fylgdi þeim niður. Þrjú lið voru í fallhættu; Tindastóll og síðan Ægir og Njarðvík sem mættust einmitt í innbyrðis viðureign í Þorlákshöfn. Ægir var í næstneðsta sætinu fyrir leikinn með 21 stig en með betra markahlutfall en Stólarnir sem voru með 22 stig í 10. sæti. Stigi ofar voru síðan Njarðvíkingar með 23 stig. Í upphafi síðari hálfleiks var lið Ægis komið yfir gegn Njarðvík, eftir að hafa reyndar lent undir, og Njarðvík því fallsæti á verra markahlutfalli en Stólarnir. Það var því nauðsynlegt fyrir Stólana að halda haus undan vindi og regni í síðari hálfleik og halda í það minnsta í stigið.
Sú von minnkaði á 53. mínútu þegar Bjarna Smára hljóp kapp í kinn. Hann vann boltann fyrir framan vítateig Tindastóls en missti hann síðan frá sér og splæsti síðan í glórulausa tveggja fóta tæklingu. Dómari leiksins sýndi honum umsvifalaust rauða spjaldið þrátt fyrir mótmæli liðsfélaga hans. Stólarnir færðu sig enn aftar og reyndu að hægja sem mest á leiknum eftir þetta en gestirnir gerðust engu að síður ágengari upp við mark Stólanna. Þeir fengu þó sem fyrr fá færi en á 81. mínútu náðu þeir þó góðri sókn og náðu góðri sendingu á milli varnarmanna Tindastóls inn á vítateig þar sem Kristinn Bjartmarsson kom á fullri ferð og sendi boltann í markið. Staðan orðin 1-2 og þrátt fyrir baráttu Tindastólsmanna þá náðu þeir lítið sem ekkert að ógna marki Aftureldingar það sem eftir lifði. Á sama tíma sigraði Ægir lið Njarðvíkur 4-2. Það voru því niðurlútir Króksarar sem röltu af velli í rigningunni að leik loknum.
Fleiri fréttir
-
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Hún. og er giftur Stefaníu Egilsdóttur.Segist sjálfur vera illa grunnskólagenginn með tæplega 600 fjár, 18 geitur11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira -
FNV er fjölbreyttur og vinalegur skóli
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 09.06.2025 kl. 11.30Kristján Bjarni hefur verið áfangastjóri við FNV um árabil en nú lætur hann af störfum þar en fer ekki langt, bara rétt norður yfir Sauðána og tekur við starfi skólastjóra Árskóla. Þar tekur hann við af Óskari G. Björnssyni sem hefur stýrt þeim skóla síðan Gagnfræðaskóli og Barnaskóli Sauðárkróks voru sameinaðir skömmu fyrir aldamót. En hvað ætli Kristjáni hafi þótt skemmtilegast við að starfa við FNV?Meira -
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira
