Mun ekki draga úr umfjöllun af Norðurlandi vestra
Eins og fram hefur komið í fjölmiðlun stefnir RÚV að því að efla starfsemi sína á landsbyggðinni og er nú unnið að stefnumótun þess efnis. Skagfirðingum þótti það því skjóta skökku við þegar tæki úr aðstöðu sem RÚV hafði til afnota á Sauðárkróki voru flutt annað.
Að sögn Freyju Daggar Frímannsdóttur, sem nýlega var ráðin svæðisstjóri RÚV á Norðurlandi, hefur þessi flutningur ekki haft áhrif á umfjöllun af svæðinu og mun ekki gera það.
Freyja segir að þessa dagana sé verið að vinna hugmyndir og stefnumótun um eflingu RÚV á landsbyggðinni, meðal annars með það að markmiði að auka svæðisbundna miðlun efnis af landsbyggðinni á vefnum. „Sú vinna er í fullum gangi og of snemmt á þessari stundu að útlista nákvæmlega hvernig útfærslan kemur til með að verða,“ segir Freyja Dögg.
Hún sagði jafnframt að tækin sem til staðar voru á Sauðárkróki hefðu verið flutt þaðan fljótlega eftir að reglulegar útsendingar þaðan hættu sl. sumar, það er þegar Sagnaslóð var tekin af dagskrá. „Það þýðir hinsvegar ekki að ekki séu fluttar fréttir eða efni framleitt á Norðvesturlandi eða Sauðárkróki. Eðli fjölmiðlunar hefur breyst hratt undanfarin ár og í verkefni sem áður þurfti flókin tæki og tól dugir oft að vera með fartölvu og gott netsamband. Því segir það ekki endilega til um það hvort að verið sé að vinna efni af ákveðnum svæðum hvort að þar séu staðsett sérstök tæki til útvarpsvinnslu eða ekki,“ segir Freyja Dögg ennfremur.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
