Nasi mættur í Kýrholt
Jarðborinn Nasi er kominn í Kýrholt í Skagafirði og á að taka við þar sem Trölli hætti á síðasta ári. Það óhapp varð að borkrónan festist og hafði Trölli ekki nægt afl til að losa hana.
Nú er Nasi mættur á svæðið en hann hefur um tíu sinnum meiri lyftigetu en Trölli og ætti því að geta leyst krónuna. Að sögn Páls Pálssonar hjá Skagafjarðarveitum er búið að „fiska“ dótið sem Trölli skildi eftir í holunni en nú er verið að bíða eftir stærri vatnsdælum sem eiga þrýsta vatni niður í holuna sem aftur þrýstir jarðvegi upp úr henni svo að borun geti haldið áfram.
Ný sjóveita var prufukeyrð á Sauðárkróki fyrir nokkru og á hún að sjá rækjuvinnslunni fyrir nothæfu vatni til framleiðslunnar. Rækjuvinnsla er einn vatnsfrekasti iðnaður sem stundaður er á landsbyggðinni og getur því skapað vandamál þar sem vatnslítið er. Má til dæmis bera saman að kaldavatnsnotkunin hjá rækjuvinnslunni Dögun er meiri en þarf fyrir bæjarfélagið Sauðárkrók. Páll segir að borholurnar séu 30 metra djúpar en sjórinn er tekinn inn á um 29 metra dýpi og var mjög hreinn í upphafi. En eftir að byrjað var að dæla á fullum afkostum fór að koma sandur með og hætt var í bili að nota vatnið. Núna er beðið eftir sandskiljum frá Bandaríkjunum svo aftur verði hægt að dæla nothæfu vatni upp úr holunni.
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
